កំពង់ចាម: អភិបាលនៃគណៈអភិបាលខេត្តកំពង់ចាម ឯកឧត្តម អ៊ុន ចាន់ដា បានស្នើដល់ សមាគមសេវាដឹកជញ្ជូន(អ្នករត់ម៉ូតូឌុប) ឱ្យជួយរាយការណ៍ផ្តល់ព័ត៌មានពាក់ព័ន្ធOnline Scams និងបទល្មើសំផ្សេងៗ ដែលមានការផ្តល់រង្វាន់លើកទឹកចិត្តផងដែរ ការស្នើសុំ 
បែបនេះក្នុងឱកាសជួបសំណេះសំណាលជាមួយសមាជិកសមាគមសេវាដឹកជញ្ជូនខេត្ត កំពង់ចាម នាព្រឹកថ្ងៃទី១២ ខែមិថុនា ឆ្នាំ២០២៦ នៅសាលាខេត្តកំពង់ចាម ។
ថ្លែងក្នុងឱកាសនោះដែរ ឯកឧត្តមអភិបាលខេត្ត បានស្នើដល់សមាជិកសមាគមសេវា ដឹកជញ្ជូន ក្នុងខេត្តកំពង់ចាមទាំងអស់ ឱ្យជួយរាយការណ៍អំពីបទល្មើសគ្រឿងញៀន និង អំពើចោរកម្ម ឬបទល្មើសផ្សេងៗ មកអាជ្ញាធរមានសមត្ថកិច្ច ដើម្បីធ្វើការបង្ក្រាបឪ្យបាន ទាន់ពេលវេលា ពោលគឺត្រូវចូលរួមទាំងអស់គ្មា ដេីម្បីទប់ស្កាត់ និងបង្ក្រាបរាល់បទល្មើសដែលបង្កចលាចលក្នុងសង្គម។
ជាមួយគ្នានោះ ឯកឧត្តម អ៊ុន ចាន់ដា អភិបាលខេត្តកំពង់ចាម ក៏បានក្រើនរំលឹកដល់ សមាជិកសមាគមសេវាដឹកជញ្ជូន ក៏ដូចជាអ្នករត់ម៉ូតូឌុបទាំងអស់ ឱ្យគោរពច្បាប់ ចរាចរណ៍ផ្លូវគោក ត្រូវបើកបរដោយមានការប្រុងប្រយ័ត្ន ទាំងមានការពាក់មួកសុវត្ថិភាព និងការត្រួតពិនិត្យយានយន្តមុនពេលធ្វើដំណើរ ពោលគឺបើកបរដោយមានការទទួល ខុសត្រូវ ដើម្បីសុវត្ថិភាពខ្លួនឯង និងអ្នកដំណើរ ។
បើតាមលោក សុខ លឹមហៀង ប្រធានមន្ទីរសាធារណការ និងដឹកជញ្ជូនខេត្ត និងជា អនុប្រធានសមាគមសេវាដឹកជញ្ជូនខេត្តកំពង់ចាម បានឱ្យដឹងថា គិតមកទល់ពេលនេះ សមាគមសេវាដឹកជញ្ជូនខេត្តកំពង់ចាម មានសមាជិកសរុប ចំនួន ១០២នាក់ ដែលបានធ្វើ បណ្ណមូលនិធិសមធម៌សុខាភិបាល(បសស)ជូនដល់សមាជិកទាំងអស់ ហើយអ្នកដែល ចូលរួមក្នុងពិធីនេះ ក៏ទទួលបានមួកសុវត្ថិភាព និងថវិកាចំនួន ៥ម៉ឺនរៀលផងដែរ ៕
