សៀមរាប ក្លឹបកីឡាក្រវ៉ាត់ក្រុង ដែលមានទីតាំងស្ថិតនៅក្បែជញ្ជីងរបស់អាជ្ញាធរអប្សារាក្នុងសង្កាត់សាលាកំរើកក្រុងសៀមរាបមានថៅកែឈ្មោះតាហេងបានក្លាយទៅជាទីតាំងល្បែងស៊ីសងយ៉ាងពេញបន្ទុកដែលអាជ្ញាធរសមត្ថកិច្ចខេត្តសៀមរាបមិនត្រូវមើលរំលងនោះឡើយ។
ល្បែងស៊ីសងដែលបានដំណើការបើកលេងជ្រកក្រោមផ្លាកយីហោក្លឹបកីឡានេះបានកើតមានជាយូណាស់មកហើយដោយមានតាហេងជាម្ចាស់ជាអ្នករត់ការបង់ថ្លៃសេវាការពារជាមួយអាជ្ញាធរនឹងសមត្ថកិច្ចពាក់ព័ន្ទដើម្បីកុំឲ្យធ្វើការបិទឬបង្ក្រាបនូវមុខរបដោយខុសច្បាប់នេះបាន។
តាមប្រភពពីអ្នកទៅលេងបាននិយាយថានៅក្នុងក្លឹបកីឡាក្រវ៉ាត់ក្រុងនោះមានល្បែងបៀរសាប់សាមក្នុងមួយទឹក១០០$ទៅ២០០$ល្បែងបៀរអូសផែ.ល្បែងបុកស្នុកឃ័រនឹងល្បែងកីឡាប៉ុន្តែផ្នែកកីឡាបើទោះបីជាកីឡាក្ដីក្រុមអ្នកទៅលេងនឹងភ្នាល់ក្នុងមួយសិចចាប់ពីតម្លៃ៥០០$រហូតដល់១០០០០$ឯនោះហើយអ្នកខ្លះចាញ់អស់ឡានម៉ូតូដោយសារតែល្បែងនៅក្នុងក្លឹបនេះក្នុងនោះអ្នកលេងល្បែងក៍មានពាលស៊ីពាលផងដែរ។
ប្រភពពីអ្នកទៅលេងបន្ថែមថាល្បែងនៅក្នុងទីតាំងនោះគឺបៀរសាប់សាម.បៀរអូសផែ.នឹងស្នុកឃ័រួមជាមួយកីឡាភ្នាល់ចាញ់ឈ្នះរាប់ពាន់ម៉ឺនដុល្លានោះដែលក្រុមអ្នកចូលទៅលេងភាគច្រើនជាក្រុមឈ្មួញរកស៊ីឈើក្រញូងទើបពួកគេមានលុយលេងល្បែងមិនខ្លាចចាញ់ឈ្នះហើយកន្លងទៅក្រុមអ្នកទៅលេងក៍មានបង្ករជំលោះហឹង្សាវាយតំគ្នាទៀតផង។ ក្រុមអ្នកទៅលេងនិយាយថាពួកគេលេងល្បែងស៊ីសងនេះមិនខ្លាចញញើតព្រឺសំបុរចំពោះអាជ្ញាធរឬសមត្ថកិច្ចចុះចាប់ឬបង្ក្រាបនោះទេដោយសារម្ចាស់ក្លឹបឈ្មោះតាមហេងជាអ្នកចេញមុខទទួលខុសត្រូវជាមួយសមត្ថកិច្ចពាក់ព័ន្ទ។
ពួកគេបាននិយាយបន្ថែមថានៅក្នុងក្លឹបកីឡាដែលបង្កប់ល្បែងស៊ីសងដោយខុសច្បាប់នោះក៍មានមន្ត្រីរាជការស៊ីវិលនិងកម្លាំងប្រដាប់អាវុធចូលទៅលេងនៅកន្លែងនោះដែរជាពិសេសនោះក៍មានមន្ត្រីនគរបាលចរាចមួយរូបក៍ញៀននឹងល្បែងបានចូលទៅលេងនៅទីនោះឬអាចហៅបានថាទៅការពារកាងឲ្យក្រុមអ្នកលេងល្បែង។ ប្រជាពលរដ្ឋនៅជុំវិញក្បែរទីតាំងក្លឹបល្បែងខាងលើបាននិយាយប្រាប់ថាការលេងល្បែងស៊ីសង់និងកីឡានៅក្នុងនោះបានបង្ករជាសំលេងលាន់លឺចាប់ពីព្រឹកម៉ោង៨រហូតដល់ម៉ោង១១យប់ទើពួកគេសំរាក។
ជាមួយគ្នារនេះដែរម្ចាស់ក្លឹបកីឡាដែលទទួលរងនូវការរិះគន់ថាលួចបើកល្បែងស៊ីសងដោយខុសច្បាប់ជ្រកក្រោមផ្លាកកីឡានោះក៍ជាមេឈ្មួញឈើក្រញូងដ៍ធំប្រចាំខេត្តសៀមរាបហើយនៅកន្លែងក្លឹបនោះកន្លងទៅរហូតដល់បច្ចុប្បន្ននេះក៍ជាកន្លែងស្តុកឈើក្រញូងនិងឈើប្រណិតៗអាជ្រៀកដើម្បីនាំចេញទៅលក់នៅប្រទេសវៀតណាមផងដែរ។ ចំណុចនេះប្រជាពលរដ្ឋបានសំណូមពរដល់អាជ្ញាធរសមត្ថកិច្ចខេត្តសៀមរាបមេត្តាជួយមើលក្លឹបកីឡាក្រវ៉ាត់ក្រុងដែលបង្កប់ល្បែងស៊ីសង់ផងដែលកំពុងតែដើផ្ទុយពីគោលនយោបាយភូមិ.ឃុំមានសុវត្ថិភាពទាំង៩ចំណុចរបស់ក្រសួងមហាផ្ទៃ។
