(កំពង់ស្ពឺ)៖ ដីឧទ្យានជាតិព្រះសុរាម្រិតកុសុមៈ «គិរីរម្យ» ដែលដោយព្រះរាជក្រឹត្យ ត្រូវបានមន្ត្រីអនុរក្សបរិស្ថានឧទ្យានជាតិនេះនិងកូនប្រសារជមន្ត្រី ទន្ទ្រាន ហ៊ុំព័ន្ធ រំលោភយក ជាកម្មសិទ្ធិត្រូវបានគណៈបញ្ជាការឯកភាពខេត្តកំពង់ស្ពឺ ចុះបង្ក្រាបកាលពីរសៀលថ្ងៃទី06 ខែមិថុនា ឆ្នាំ២០២០នេះ។
កម្លាំងចម្រុះដែលមានកងរាជអាវុធហត្ថ កងនគរបាលជាតិ និងមានការចូលរួមពីមន្ត្រីបរិស្ថាន ផងនោះ ក្រោមការដឹកនាំ របស់គណៈបញ្ជាការឯកភាពខេត្តកំពង់ស្ពឺ បានចុះ រុះរើ របងលួស រោងចាំដី សំណង់ខុសច្បាប់ ដទៃទៀត ដែលសង់រំលោភយកដីឧទ្យានជាតិ «គិរីរម្យ» ដោយក្រុមអាណាធិបតេយ្យទន្រ្ទានយក ជាកម្មសិទ្ធិត្រូវបានរុះរើ និងដុតកម្ទេចចោល។
កម្លាំងចម្រុះ របស់គណៈបញ្ជាការឯកភាពខេត្ត ដឹកនាំដោយលោក សរ សុពុត្រា អភិបាលរង ខេត្ដកំពង់ស្ពឺ តំណាងលោក វុី សំណាង អភិបាលខេត្ដ និងជាប្រធានគណៈបញ្ជាការឯកភាពខេត្ដ បានចុះពិនិត្យនិងធ្វេីការរុះរេី របងព័ទ្ធដី រោងចាំដី និងសំណង់អាណាធិបតេយ្យសង់រំលោភយកដីធ្វេីជាកម្មសិទ្ធ នៅក្នុងតំបន់ឧទ្យានជាតិ ព្រះសុរាម្រិតកុសុមៈ «គីរីរម្យ» ចំណុចរង្វង់មូលនាគព័ន្ធ, អូរកសេះ ក្នុងឃុំចំបក់ ស្រុកភ្នំស្រួច ខេត្តកំពង់ស្ពឺ ។
កម្លាំងចម្រុះរបស់គណៈបញ្ជាការឯកភាពខេត្ត បានអះអាងថា មានក្រុមអាណាធិបតេយ្យងជាច្រើនលួចធ្វេីសកម្មភាព ទន្រ្ទាន ធ្វើរបងហ៊ុំព័ន្ធ សហ់រោងចាំដី បោះបង្គោល ដើម្បីរំលោភយកដីការពារដោយព្រះរាជក្រឹត្យធ្វេីជាកម្មសិទ្ធទាំងបំពានច្បាប់ តាមរយះការគៀងគរពលរដ្ឋមកពីរតំបន់ឆ្ងាយ និងផ្ដល់លុយដោយធានាថាគ្មានការការបង្រ្កាបពីរសមត្ថកិច្ច ជំនាញពាក់ព័ន្ធ ។
ពាក់ព័ន្ធករណី ក្រុមអនាធិបតេយ្យ ដែលធ្វើសកម្មភាព ទន្ទ្រាន ហ៊ុំព័ទ្ធរបងលួស បោះបង្គោល សង់រោងចាំដី ដើម្បីរំលោភ ដីឧទ្យានជាតិព្រះសុរាម្រិតកុសុមៈរាប់សិបហិតាបែបនេះ ហេតុអ្វី បានជា នាយកឧទ្យានជាតិ និងមន្ត្រីបរិស្ថាន មានតួនាទីការពារឧទ្យានជាតិនេះ មិនបានដឹងថា មានជនល្មើស រំលោភកាន់កាប់ដីរបស់រដ្ឋបែបនេះ? ឬមួយ អស់លោក បានដឹងដែរ ប៉ុន្តែធ្វើមិនដឹងមិនឮ ដោយសារទទួលបានផលប្រយោជន៍ ពីរក្រុមដែលរំលោភយកដីឧទ្យានជាតិ ទាំងបំពានយ៉ាងដូច្នេះ។
ប្រជាពលរដ្ឋបានរាយការណ៍ ដីក្នុងតំបន់ឧទ្យានជាតិគិរីរម្យ កំពុងរងការរំលោភយកធ្វើជាកម្មសិទ្ធយ៉ាងអាណាធិបតេយ្យដោតគ្មានការបង្ក្រាបពីសំណាក់អាជ្ញាធរ និងមន្ត្រីបរិស្ថាន ដែលការពារឧទ្យាជាតិឡើយ។
ពលរដ្ឋ បានអះអាងទៀតថា ជនដែលកំពុង រំលោភយកដីរបស់ឧទ្យានជាតិគីរីរម្យនោះ គឺលោក ហេង សុខា ជាមន្ត្រីបរិស្ថានប្រចាំនៅឧទ្យានជាតិគីរីរម្យ និងកូនប្រសារឈ្មោះ ម៉ាង សុវណ្ណារ៉ា ជាមន្ត្រីយោធាតែម្តង។ លោក ហេង សុខា និងកូនប្រសារក៏មានទំនាស់ជាមួយប្រជាពលរដ្ឋរឿងដីធ្លីផងដែរហើយប្រជាពលរដ្ឋបានប្តឹងពួកគេទាំង ២នាក់ ទៅកាន់អាជ្ញាធរទៀតផង។
ប្រជាពលរដ្ឋបានចោទថា លោក ហេង សុខា និងកូនប្រសា បានក្លែងឯកសារជាច្រើនពាក់ព័ន្ធរឿងដីធ្លី ក្នុងឧទ្យានជាតិព្រះសុរាម្រិតកុសុមៈ «គីរីរម្យ» ក្នុងការលក់ ទិញ និងកាន់កាប់អាស្រ័យផលជាដើម។
ក្រុមប្រជាពលរដ្ឋជាច្រើននាក់បានរួមគ្នា ដាក់ពាក្យប្តឹងមកអាជ្ញាធរ នៅថ្ងៃទី១៣ ខែមិថុនា ឆ្នាំ២០២០ កន្លងមកនេះ ចោទប្រកានើឈ្មោះ ហេង សុខា ជមន្ត្រីបរិស្ថានឧទ្យានជាតិគិរីរម្យ និងឈ្មោះ ម៉ាង សុវណ្ណារ៉ា កូនប្រុស ព្រមទាំងបក្ខពួកសកម្មភាពវាយបំបាក់របងព្រំដីរបស់ពួកគាត់ និងបានគំរាមកំហែងប្រើហិង្សាមកលើពួកគាត់ និងជេរប្រមាថផងដែរ។
ក្រោយពីការ ទន្ទ្រាន ហ៊ុំព័ន្ធ សាងសង់រោងចាំដីអាណាធិបតេយ្យ ដើម្បីរំលោភយកដីការពារដោយព្រះរាជក្រឹត្យបែបនេះ ដោយអនុវត្តន៍តាមគោលការណ៍ច្បាប់ ទើបគណៈបញ្ជាការឯកភាពខេត្ដកំពង់ស្ពឺ ដឹកនាំកម្លាំងបង្ក្រាប រុះរេីរបងព័ទ្ធយកដី រោងចាំដី និងវាយកម្ទេចសំណង់អាណាធិបតេយ្យជាច្រើនចោល។ ក្នុងនោះអាជ្ញាធរបានសំណូមពរដល់បងប្អូនប្រជាពលរដ្ឋដែលត្រូវបានចាញ់បោកមេខ្យល់ញុះញង់អោយចូលរួមប្រព្រឹត្ដសកម្មភាពធ្វេីការទន្រ្ទានយកដីរដ្ឋដោយខុសច្បាប់បែបនេះ។
ចំណែកលោក វ៉ី សំណាង បានលើកឡើងថា «ឈប់បានឈប់ទៅ! កុំនាំគ្នាទៅទន្ទ្រានកាន់កាប់ដីរបស់រដ្ឋ ហើយធ្វើជាឈ្លោះគ្នា ដាក់ឲ្យខ្ញុំកាត់ឲ្យខាងនេះ កាត់ឲ្យខាងនោះ មិនអាចទៅរួចទេ»។
ខាងក្រោមនេះ ជាសកម្មភាពគណៈជាការឯកភាពរដ្ឋបាលខេត្តកំពង់ស្ពឺ ចុះបង្ក្រាបភាពអាណាធិបតេយ្យដែលត្រូវទន្ទ្រានកាន់កាប់ដីរដ្ឋកាលពីថ្ងៃទី០៧ ខែកក្កដា ឆ្នាំ២០២០ នៅតំបន់ឧទ្យានជាតិព្រះសុរាម្រិតកុសមៈ «គិរីរម្យ»។
សូមបញ្ជាក់ថា ក្រៅពីលោក ហេង សុខា ជាមន្ត្រីបរិស្ថានឧទ្យានជាតិព្រះសុរាម្រឹតកុសុមៈ «គិរីរម្យ» និងកូនប្រសាររងការចោទប្រកាន់ថា បានរំលោភយកដីឧទ្យានជាតិជាកម្មសិទ្ធនោះ ក៏អាចនៅមានកន្លែងផ្សេងរងការទន្ទ្រាន កាន់កាប់ និងរំលោភបែបនេះដែរ ប៉ុន្តែគ្រាន់ប្រើរូបភាពខុសគ្នាប៉ុណ្ណោះ។
លោក ហេង សុខា មន្ត្រីឧទ្យានជាតិគិរីរម្យ និងកូនប្រសា មិនទាន់អាចទំនាក់ទំនងសុំការបកស្រាយជុំវិញការចោទប្រកាន់ខាងលើនេះបានឡើយ។
