ខេត្តស្ទឹងត្រែង៖ជនសង្ស័យម្នាក់ចាប់ដីការនិងម្នាក់សកម្មខាងចែកចាយគ្រឿងញៀនបង្វួកយុវវ័យនត្រូវបានកំលាំងនគរបាលប្រឆាំងគ្រឿងញៀននៃស្នងការនគរបាលខេត្តចាប់ឃាត់ខ្លន រួមនិងវត្ថុតាំងថ្នាំញៀនប្រភេទមេតំហ្វេតាមីនម្សៅក្រាម(ICE)ចំនួន៣កញ្ចប់តូច ដាវសាម៉ូរ៉ៃ២
ឧបករណ៍ប្រើប្រាស់បញ្ជូនទៅតុលាការ នៅរសៀលថ្ងៃទី៥ ខែកញ្ញា ឆ្នាំ២០១៤ដើម្បីកាត់ទោសតាមច្បាប់។
លោកនូ ហ៊ូ នាយការិយាល័យប្រឆាំងគ្រឿងញៀនខេត្តឲ្យដឹងថាៈជនសង្ស័យ២នាក់ដែលសមត្ថកិច្ចឃាត់ខ្លួនម្នាក់ចាប់តាមដីការ និងម្នាក់ពាក់ព័ន្ធនិងចែកចាយគ្រឿងញៀន មាន១ឈ្មោះគង់ សំអឿនហៅអាខ្មៅ(ចាប់តាមដីការ)ប្រព្រឹត្តនៅភូមិស្ពានថ្ម សង្កាត់ ក្រុងស្ទឹងត្រែង ឃាត់នៅម៉ោង១០និង១៥នាទីព្រឹកថ្ងៃទី៥កញ្ញានេះ និង២មានឈ្មោះអ៊ីន ផល្លី ភេទប្រុស អាយុ២០ឆ្នាំរស់នៅភូមិព្រែក សង្កាត់ស្ទឹងត្រែង ក្រុងស្ទឹងត្រែង ត្រូវបានឃាត់ខ្លួនកាលពីម៉ោង៣និង៣០នាទីរសៀល ថ្ងៃទី៤ ខែកញ្ញា ឆ្នាំ២០១៤ខណៈដែលជនសង្ស័យកំពុងធ្វើសកម្មភាពប្រើប្រាស់និងចែកចាយគ្រឿងញៀន។
លោកនាយការិយាល័យបានបន្តថាជនសង្ស័យខាងលើគឺជាមុខសញ្ញាសកម្មខាងចែកចាយថ្នាំញៀនបង្វួកយុវ័យ ដោយបានឡើងទៅយកថ្នាំញៀន ពីភូមិព្រះរំកិលជាប់ព្រំដែនឡាវ មកចែកចាយនៅក្នុងខេត្ត ខណៈរួបគេកំពុងធ្វើសកម្មភាពនៅក្នុងផ្ទះ ក៏ត្រូវបានកំលាំងសមត្ថកិច្ចឆ្មក់ចូលចាប់ និងធ្វើការឃាត់ខ្លួនតែម្តង។
គួររំឭកថាករណីប្រើប្រាស់និងចែកចាយ គ្រឿងញៀននៅខេត្តស្ទឹត្រែងក្នុងឆ្នាំ២០១៤នេះ កម្លាំងសមត្ថកិច្ចបានធ្វើការបង្ក្រាបបានជាញឹកញាប់ និងបានកសាងសំណុំរឿងបញ្ជួនទៅតុលាការ ដើម្បីចាត់ការតាមច្បាប់ផងដែរ។ប៉ុន្តែទោះជាមានការបង្ក្រាបយ៉ាងណាក្តី សកម្មភាពនេះក៏នៅតែមានអ្នកប្រើប្រាស់និងចែកចាយគ្រឿងញៀនជាបន្តបន្ទាប់ ដែលជាហេតុធ្វើឲ្យយុវ័យមួយចំនួន បាត់បង់សតិ និងបង្កភាពអសន្តិសុខដល់សង្គមទៀតផង។
លោកនាយការិយាល័យថានិងបន្តធ្វើការបង្ក្រាបជនពាក់ព័ន្ធនិងករណីគ្រឿនញៀន ដែលមានមុខសញ្ញា និងជាខ្សែបណ្តាញនៅពីក្រោយខ្នងផ្សេងទៀត ដើម្បីចាត់ការតាមផ្លូវច្បាប់។ចំណែកជនសង្ស័យ២នាក់ខាងលើនៅរសៀលថ្ងៃសុក្រទី៥នេះ សមត្ថកិច្ចបានកសាងសំណុំរឿង បញ្ជូនខ្លួនជនសង្ស័យរួមនិងវត្ថុតាងថ្នាំញៀនដាវសាម៉ូរៃចំនួន២និងឧបករណ៍ជក់ ទៅកាន់តុលាការដើម្បីចាត់ការតាមផ្លូវច្បាប់៕
