ភ្នំពេញ ៖ រថយន្តកូរ៉ូឡាមួយគ្រឿងដែលបើកថយចេញពីផ្ទះមិនទាន់បានស្រួលបួលផងក៏ត្រូវរថយន្តកាមរីគូទហើមមួយគ្រឿងបើកបុកចំពាក់កណ្ដាលបណ្ដាលអោយរងការខូចខាតកាលពីវេលាម៉ោង១០និង១០នាទីយប់ថ្ងៃទី៣ខែមិនាឆ្នាំ២០១៤ ត្រង់ចំណុចមុខផ្សារអារ៉ូណា តាមបណ្ដោយផ្លូវកម្ពុជាក្រោម ស្ថិតក្នុងសង្កាត់ទឹកល្អក់១ ខណ្ឌទួលគោក។
ប្រភពព័ត៌មានបានអោយដឹងថា មុនពេលកើតហេតុគេបានឃើញរថយន្តកូរ៉ូឡាមួយគ្រឿង ពណ៌ស ពាក់ស្លាកលេខ ភ្នំពេញ 2V-5123 បើកបរដោយបុរសម្នាក់បានថយចេញពីក្នុងផ្ទះមកស្រាប់តែពេលនោះមិនទាន់ថយបានស្រួលបួលផលក៏មានរថយន្តមួយគ្រឿងម៉ាកការមីគូទហើម ពណ៌ស ពាក់ស្លាកលេខ ភ្នំពេញ 2A-2368 បើកបរដោយបុរសម្នាក់បានធ្វើដំណើរតាមបណ្ដោយផ្លូវកម្ពុជាក្រោមក្នុងទិសដៅពីលិចទៅកើតក្នុងល្បឿនលឿនបណ្ដាលអោយរថយន្តនេះវ៉ាក់អឺក៏ជ្រុលទៅបុករថយន្តកូរ៉ូឡាដែលកំពុងថយនោះចំពាក់កណ្ដាលរថយន្តធ្វើឱ្យរងការខូចខាតមួយចំហៀងខាងស្ដាំយ៉ាងដំណំ។
បន្ទាប់ពីកើតហេតុសមត្ថកិច្ចបានចុះមកដល់កន្លែងកើតហេតុក៏ប៉ុន្តែម្ចាស់រថយន្តទាំង២មិនត្រូវការសមត្ថកិច្ចដោះស្រាយអោយនោះទេគឺពួកម្ចាស់រថយន្តខាងលើនេះអាចសម្របសម្រួលគ្នាទៅវិញទៅមកបានពីព្រោះគ្រោះថ្នាក់នេះមិនបណ្ដាលអោយមានមនុស្សរងរបួសឡើយគ្រាន់តែខូចខាតរថយន្តតែប៉ុណ្ណោះ។ ក្រោយពេលកើតហេតុម្ចាស់រថយន្តកាមរីគូទហើមបានចេញថ្លៃខូចខាតនិងជួសជុលអោយទៅម្ចាស់រថយន្តកូរ៉ូឡាដើម្បីកុំអោយមានរឿងវែងឆ្ងាយតទៅមុខទៀត៕
