ភ្នំពេញ៖ ហេតុនេះការភ្ញាក់ផ្អើលដល់បងប្អូនប្រជាពលរដ្ឋនិង អ្នកដំណើរនាំគ្នាមកចោមរោម មើល ដោយសារបុរសពីរនាក់ដែលត្រូវបានគេស្គាល់ថា ម្នាក់មមានមុខងារជាមន្ត្រីប៉ូលិសនិង ម្នាក់ទៀតមានមុខងារជា មន្ត្រីកងរាជអាវុធហត្ថនៃខេត្តកណ្តាល បានឈ្លោះប្រកែកគ្នាតាម បណ្តោយផ្លូវព្រះមុន្នីវង្សកែងផ្លូវលេខ២៧៨ ស្ថិតក្នុង សង្កាត់បឹងកេងកងទី១ ខណ្ឌចំការមន រហូតដល់មានការជ្រុះកាំភ្លើង ចេញពីចង្កេះបង្កការភ្ញាក់ផ្អើលដល់អ្នកដំណើរ ស្មានតែមានការផ្ទុះអាវុធ។
ហេតុការណ៍ភ្ញាក់ផ្អើលនេះកើតឡើងកាលពី វេលាម៉ោង២១និង៤០នាទីយប់ថ្ងៃទី៣ មិនា ឆ្នាំ២០១៤។ ហេតុការណ៍ភ្ញាក់ផ្អើលនេះដែរ សមត្ថកិច្ចមូលដ្ឋានក៏ដូចជាកម្លាំងកងរាជអាវុធហត្ថខណ្ឌចំការមនបានចុះធ្វើ ការអន្តរាគមន៍ដល់កន្លែងកើតហេតុភា្លមៗ ហើយបានឃាត់ខ្លួនបុរសទាំងពីរនាក់ទៅស្នាក់ការនគរបាលប៉ុស្តិ៍រដ្ឋបាល បឹងកេងកងទី១ ដើម្បីធ្វើការសាកសួរបន្ថែម។
ប្រភពព៏ត៌មាននៅកន្លែងកើតហេតុបានឲ្យដឹងថានៅពេលកើតហេតុគេបានឃើញ បុរសដែលជាមន្ត្រីកងរាជអាវុធហត្ថខាងលើ មានឈ្មោះ និល វុទ្ធី អាយុ៣១ឆ្នាំ មានមុខងារជាមន្ត្រីកងរាជអាវុធហត្ថប្រចាំខេត្តកណ្តាល បានរៀបរាប់ថា រូបគេបាន ជិះម៉ូតូតាមដងផ្លូវសាធារណៈសុខៗ ស្រាប់តែមន្ត្រីប៉ូលិសខាងលើបានជិះម៉ូតូតាមពីក្រោយមករហូតដល់ចំណុចកើត ហេតុខាងលើរូបគេក៏បានជិះម៉ូតូឡើងខឿនផ្លូវដើម្បីឈប់ តែ
ចែដន្យម៉ូតូរបស់គេឈប់លើចំណោទក៏ត្រូវធ្លាក់ចុះមកក្រោម វិញដួលទៅថ្នល់ ហើយខណៈដោយរូបគេព្យាយាមទប់ម៉ូតូដើម្បីកុំឲ្យដួលនោះក៏ត្រូវទាក់ដៃចង្កូតជាមួយនឹងកាំភ្លើងខ្លី ដែលនៅចង្កេះរបស់ខ្លួនធា្លក់ចុះមកដល់ដី ធ្វើឲ្យបុរសដែលជាមន្ត្រីប៉ូលិសដែលជិះម៉ូតូធ្វើដំណើរតាមពីក្រោយរហូតមក នោះបានចុះពីលើម៉ូតូហើយចាប់ក្របួចករអាវរបស់ឈ្មោះនិល វុទ្ធី ដោយបានស្រែកយ៉ាងខ្លាំងទៀតផង ថាឈ្មោះ និល វុទ្ធី
ខាងលើជាចោរពេញៗមាត់តែម្តង ក៏បង្កឲ្យមានការភ្ញាក់ផ្អើលដល់បងប្អូនអ្នកដំណើរនិងអ្នក ដែលរស់នៅជិតកន្លែងកើតហេតុនាំគ្នាមកចោមរោមមើល។ ចំណែកសម្តីរបស់មន្ត្រីប៉ូលិសដែលបានដេញម៉ូតូរបស់ មន្ត្រីកងរាជអាវុធហត្ថខាងលើ ដែលមានឈ្មោះនិល វុទ្ធីវិញបាននិយាយ ថា មូលហេតុដែលគាត់ដេញតាមម៉ូតូរបស់មន្ត្រី ខាងលើព្រោះគេជិះម៉ូតូរេពេញផ្លូវ ហើយមើលទៅគួរឲ្យសង្ស័យទើបរូបគាត់ជិះម៉ូតូ
ដេញតាមមករហូតដល់ចំណុច ផ្លូវព្រះមុន្នីវង្ស កែងផ្លូវលេខ២៧៨ ក៏ស្រាប់តែឃើញឈ្មោះ និល វុទ្ធី ឈប់ម៉ូតូហើយមានធ្លាក់អាវុធចេញពីចង្កេះផងនោះ រូបគាត់ក៏ស្មានតែចោរដកកាំភ្លើងធ្វើសកម្មភាព ក៏សម្រេចចិត្តទៅក្របួចករអាវរបស់ឈ្មោះ និល វុទ្ធខាងលើតែម្តងទៅ។ ក្រោយពេលកើតហេតុសមត្ថកិច្ច ក៏ដូចជាក្រុមកងកម្លាំងរាជអាវុធហត្ថប្រចាំខណ្ឌ ចំការមនបាននាំខ្លួនមន្ត្រីទាំងពីរនាក់មកធ្វើការសាកសួរនៅ
ស្នាក់ការនគរបាលប៉ុស្តិ៍រដ្ឋបាលបឹងកេងកង១ ឃើញថា បុរសទាំងពីរនាក់ពិតជាមានមុខងារត្រឹមត្រូវក្នុងផ្លូវច្បាប់មែន រីឯកាំភ្លើងរបស់ឈ្មោះនិល វុទ្ធីវិញគឺមានលិខិតចេញឲ្យប្រើ ប្រាស់ត្រឹមត្រូវតាមច្បាប់ផងដែរ។ ហើយក៏បានព្យាយាមសម្របសម្រួលភាគីទាំងពីរដើម្បីបញ្ជប់រឿង ព្រោះថា ករណីខាងលើនេះជាករណី អចេតនា និងយល់ច្រលំនិងគ្នាតែប៉ុណ្ណោះ។ 
