សៀមារាបៈ ព្រឹទ្ធសភាទីក្រុងវ៉ាស៊ីនតោន សហរដ្ឋអាមេរិក ឯកឧត្ដម DON Be nton មានប្រសាសន៍ថាកម្ពុជាពិតជាមានសុខសន្តិភាព សេរីភាពពេញ លេ ញ កម្ពុជាមានការខិតខំប្រឹងប្រែងណាស់ក្នុងកិ ច្ចអភិវឌ្ឍន៍ប្រទេសជាតិជាពិសេស មានសក្ដានុពលទេសចរណ៍និងមានតំបន់ទេសចរណ៍នៅខេត្តសៀមរាប តំបន់ឆ្នេរស មុទ្រក្រុងភ្នំពេញនិង
តំបន់ភូមិភាគឥសាន្តអាចឱ្យប្រជាជនអាមេរិកមកទស្សនាកំសាន្តបាន នឹងសន្យាជួយជម្រុញការតភ្ជាប់ការហោះហើរត្រង់ពីសហរដ្ឋអាមេរិកឆ្ពោះមកកម្ពុជា។លើកឡើងបែបនេះធ្វើឡើង ក្នុងជំនួបជាមួយឯកឧត្ដម ថោង ខុន រដ្ឋមន្ត្រីក្រសួងទេសចរណ៍រសៀលថ្ងៃទី១៥ តុលា ទីស្ដីការក្រសួង។
ឯកឧត្ដមបន្តថា នឹងខិតខំ ជួយផ្សព្វផ្សាយពីការពិតនៅកម្ពុជានិងវិសយ័ទេសចរណ៍កម្ពុជាហើយនឹងនាំបងប្អូនគ្រួសារមកទស្សនានៅកម្ពុជា និងបានសំដែងការកោតសរសើរនូវការរីកចំរើនរបស់ប្រទេសកម្ពុជា ។ជាការឆ្លើយតបឯកឧត្ដម ថោង ខុន មានប្រសាសន៍ថាកម្ពុជានៅក្នុងរបបប្រលយ័ពូជសាសន៍ប៉ុលពតត្រូវបានបំផ្លាញទាំងស្រុងទាំងហេដ្ឋារចនាសម្ពន្ធ័និងធនធានមនុស្ស។
ក្រោយថ្ងៃរំដោះ៧មករាប្រទេសជាតិត្រូវបានកសាងនិងស្ដារឡើងវិញពីបាតដៃទទេនិងមានការអភិវឌ្ឍន៍ជាបន្តបន្ទាប់រហូតមានការបោះឆ្នោតដោយសេរីពហុបក្សរៀបចំដោយអង្គការសហប្រជាជាតិ នៅឆ្នាំ១៩៩៣ប៉ុន្តែកម្ពុជាមានសន្តិភាពពិតប្រាកដនៅឆ្នាំ១៩៩៨ ក្នុងនោះវិសយ័ទេសចរណ៍ក៏មានការរីកចំរើនគួរឱ្យគត់សំគាល់ផងដែរ។ ឯកឧត្ដម រដ្ឋមន្ត្រីបានជំរាបជូនពីគោលនយោបាយទេសចរណ៍និងយុទ្ធសាស្ត្រទិសដៅនៅពេលអនាគត
ក្រសួងនឹងខិតខំបង្កើតផលិតផលទេសចរណ៍ឱ្យបានច្រើន ប្រមូលផ្ដុំទៅលើការអភិវឌ្ឍន៍ទេសចរណ៍បៃតង និងស្អាត គុណភាពផលិតផលទេសចរណ៍ខិតខំបណ្ដុះបណ្ដាលធនធានមនុស្សជំនាញវិសយ័ទេសចរណ៍ ជម្រុញការតភ្ជាប់ការហោះហើរតាមជើងអាកាស ទឹកនិងជើងគោកនិងការដឹកជញ្ជូននិងសម្រួលការធ្វើដំណើរ ដើម្បីឆ្លើយតបនិងយុទ្ធសាស្ត្រទេសចរណ៍អាស៊ាន ។
គួរបញ្ជាក់ថានៅឆ្នាំ២០១៣មកកម្ពុជាទទួលភ្ញៀវទេសចរបាន៤លាន២សែននាក់ក្នុងនោះមានភ្ញៀវទេសចរអាមេរិកប្រមាណ១៨ម៉ឺននាក់ ក្នុងរយះពេល៨ខែក្នុងឆ្នាំ២០១៤ទទួលបានភ្ញៀវទេសចរអាមេរិកមកទស្សនាកម្ពុជាមានចំនួន១២ម៉ឺននាក់ ស្ថិតក្នុងលំដាប់ទី៧ក្នុងចំណោមទីផ្សារទាំង១០ ៕
