កំពង់ធំៈ ក្រោមការយកចិត្តទុកដាក់ របស់លោក ឧត្តមសេនីយ៍ត្រី ជូ សំអាន ស្នងការនៃស្នងការដ្ឋាននគរ បាលខេត្តកំពង់ធំ បានគិតគូរពីការខិតខំប្រឹងប្រែង របស់មន្ត្រីនគរបាល ចំណុះឲ្យស្នងការនគរបាលខេត្តកំពង់ធំ បានបំពេញតាមសេចក្តីត្រូវការ ដល់មន្ត្រីចំនួន ៧៣នាក់ ត្រូវបានបំពាក់ ឋានន្តរសក្តិ និងតែងតាំងមុខតំណែង នៅព្រឹកថ្ងៃទី ១៦ ខែ តុលា ឆ្នាំ ២០១៤ ។
ពិធីបំពាក់ឋានន្តរសក្តិ និងតែងតាំងមុខតំណែង ក្រោមអធិបតីភាពឯកឧត្តម ឧត្តមសេនីយ៏ឯក ដូង សារឿន អនុប្រធាននាយកដ្ឋានបុគ្គលិក និងឯកឧត្តម សូខ លូ អភិបាលរងខេត្តកំពង់ធំ ព្រមទាំងលោក ជូរ សំអាន ស្នងការនគរបាលខេត្តកំពង់ធំ និងទាំងប្រធាន អនុប្រធានការិយាល័យ នាយផ្នែក នាយជំនាញ ចូលរួមយ៉ាងអធ័កអធ័ម។
លោកវរៈសេនីយ៏ទោ អ៊ឹម សុគឿន នាយរងការិយាល័យបុគ្គលិករាជធានី- ខេត្តបានឡើងអានប្រកាសរបស់ក្រសួងមហាផ្ទៃ និងសេចក្តីសម្រេចរបស់អគ្គស្នងការនគរបាលជាតិស្តីពីការផ្ទេរភារកិច្ចតែង តាំងមុខតំណែងនិងតម្លើងឋានន្តរសក្តិដល់មន្ត្រីនគរបាលនៃស្នងការនគរបាលខេត្តកំពង់ធំសរុបចំនួន៧៣នាក់ ស្រី១៦នាក់! ។
ឯកឧត្តម សូខ លូ អភិបាលរងខេត្ត មានប្រសាសន៏ផ្តាំផ្ញើរ ដល់មន្ត្រីដែលទើបតែទទួលបានការតែងតាំងមុខតំណែងនិងតម្លើងឋានន្តរសក្តិរួចហើយ សំខាន់ត្រូវចេះសាមគ្គីគ្នា ចាប់ដៃពិភាគក្សាគ្នារកដំណោះស្រាយដែលសមស្រប ព្យាយាមពន្លត់ភ្លើងនៅខាងក្នុង មុននឹងបែកធ្លាយចេញទៅឆេះខាងក្រៅ តែមិនចេះសាមគ្គីគ្នា គ្មានភាពពិចារណា គ្មានការយោគ
យល់គ្នា ជាហេតុនាំឲ្យបែកបាក់ផ្ទៃក្នុង ដែលគេនិយាយ ថា ដង្កូវចេញពីសាច់ មិនបាច់ពន្លត់ភ្លើងក្រៅរបង ដូច្នេះក្នុងនាំជាមន្ត្រីនគរបាល ត្រូវដើរតួរជាគំរូល្អ សម្រាប់ប្រជាពលរដ្ឋ ទាំងកាយវិការ ទាំងទង្វើ ព្រោះភ្នែកប្រជាពលរដ្ឋរាប់ម៉ឺនគូរ កំពុងតែមើលលោក ប៉ូលិសជារៀមច្បង និងត្រូវពិចារណាកុំឲ្យក្លាយខ្លួនជា កាត់ក្តីឆ្កែស៊ីបាយលាបមាត់ពពែ។
ឯកឧត្តម ឧត្តមសេនីយ៏ឯក ដូង សារឿន មានប្រសាសន៏ថា ការផ្តល់ឋានន្តរសក្តិ និងមុខតំណែងជូនមន្ត្រីទាំងអស់ ឲ្យបានសមស្រពទៅតាមការខំប្រឹងប្រែបំពេញភាកិច្ច ហេតុ ដូច្នេះហើយសូមឲ្យមន្ត្រីនគរបាលត្រូវតែសិក្សារៀនសូត្របណ្តើរគោរពវិន័យឲ្យបានសមជាមន្ត្រីនគរបាល ។
ដោយ ប៊ុន រដ្ឋា
