កំពង់ធំៈ សកម្មភាពការប្រម៉ាញ់រថយន្តដឹកឈើរបស់សមត្ថកិច្ចប៉េអ៊ឹម ខេត្តកំពង់ធំ បានធ្វើសកម្មភាពបង្ករ ព្យុះភ្លៀងជាប្រចាំទាំងយប់ទាំងថ្ងៃ តែទោះជាសកម្មភាពប្រដេញឡានដូចអាណាធិបតេយ្យ ក៏ពុំត្រូវបានពុំ ត្រូវបានចាប់អារម្មណ៍ពីសំណាក់ថ្នាក់ដឹកនាំរបស់កងរាជអាវុធហត្ថខេត្ត ក៏ដូចជាស្ថាប័ណមានសមត្ថកិច្ច ពាក់ព័ន្ឋក្នុងខេត្តមានការអើពើនោះឡើយ ដែលត្រូវបានគេសង្ស័យថា ប្រហែលជាមានកញ្ជប់បញ្ជប់រឿង ទើបបានជាពុំដែលមានរឿងសោះឡើយ ។
តាមសេចក្តីរាយការណ៏ ពីប្រភពនៅកន្លែងកើតហេតុ បានឲ្យដឹងថាកាលពីថ្ងៃទី ១៥ ខែតុលា ឆ្នាំ ២០១៤ មានករណីក្រឡាប់ឡានដោយសារបុកគ្នា យ៉ាងពេញទំហឹង រវាងPMឈើ ប្រម៉ាញ់អ្នកដឹកបទល្មើសឈើ បានធ្វើឲ្យរថយន្តកាម៉ារី ហើម ពណ៌សំបកឪឡឹក ដែលបើកដោយ PM ឈើ ម្នាក់ដែលមានអាជីពជាអ្នកប្រម៉ាញ់រថយន្តដឹកឈើជារៀងរាល់យប់ និងថ្ងៃ បានក្រឡាប់នៅចំណុចភូមិបាល័ង្គ ឃុំបាល័ង្គ ស្រុកបារាយណ៍ ខេត្តកំពង់ធំ ក្រោមការបញ្ជាផ្ទាល់របស់លោក វរៈសេនីយ៍ត្រី សេង ប៊ុនតេង ជំនួយការលោក ហង្ស ថុល មេ បញ្ជាការកងរាជអារវុធហត្ថខេត្តកំពង់ធំ ។
តាមសេចក្តីរាយការណ៍ បានឲ្យដឹងថា លោក វរៈសេនីយ៍ត្រី សេង ប៊ុនតេង បានធ្វើសកម្មភាពព្យុះភ្លៀង ដោយ បានប្រើប្រាស់ប្អូនថ្លៃរបស់ខ្លួនម្នាក់ និងកងរាជអាវុធហត្ថ៥នាក់ ធ្វើសកម្មភាពរកសេដ្ឋកិច្ច ប្រមូលលុយ ជូនអង្គភាពរបស់ខ្លួន មិនតែប៉ុណ្ណោះ បានដាក់រថយន្តប្រចាំការនៅ គល់ស្ពានកំពង់ថ្ម មួយគ្រឿង និង រថយន្តដែលត្រូវបានគេបើកបុកក្រឡាប់នេះមួយគ្រឿង ដាក់នៅចំនុចផ្លូវស្នាក់ការសន្តិសុខ ១០២ រថយន្ត ទាំងនេះបានប្រដេញរថយន្តដឹកឈើ ចាប់តាំងពីសិប្បកម្មតូចតាច រហូតឈានដល់រថយន្ត ឈើធ្នង់ និង
គ្រញូង ដែលបានដឹកចេញពីខេត្តព្រះវិហារ និងខេត្តសៀមរាប ចំណែកបក្សពួកដែលបានឃុបឃិតគ្នា រត់ការដឹក ជញ្ជូនឈើប្រណិតឆ្លងកាត់ខេត្តកំពង់ធំ និងជាអ្នកបោះដៃឲ្យលោក សេង ប៊ុនតេង នៅប្រចាំការនៅឯខេត្តនោះ មានឈ្មោះ ហន និងឈ្មោះ ចិន និងប៉ូលិសសេដ្ឋកិច្ចខេត្តមួយចំនួន បុគ្គលទាំងនេះចូលអង្គភាពកងរាជអាវុធហត្ថ ពាក់ស្បែកខ្លា គ្រាន់តែជាកំឡាចសមត្ថកិច្ច និងឈ្មួញឈើតែប៉ុណ្ណោះ តែការពិតបុគ្គលទាំងនេះគឺជាឈ្មួញឈើដុះស្លែរ ចាប់អាជីពជាអ្នករត់ការ មើលផ្លូវឲ្យឈ្មួញ និងដឹកជញ្ជូនតែប៉ុណ្ណោះ។
សូមបញ្ជាក់ផងដែរ លោកវរៈសេនីយ៍ត្រី សេង ប៊ុនតេង គឺជាមនុស្សស្ថិតនៅក្នុងបញ្ជីខ្មៅជាច្រើនសតវត្ស កន្លងមកធ្លាប់បានលួចឈើជាច្រើនដុំ ក្រោយពីចាប់រថយន្តក្រុងយកទៅដាក់ក្នុងបន្ទាយ និងករណីបើករថយន្ត ប្រដេញឡានដឹកឈើ បង្ករឲ្យមន្ត្រីកងរាជអាវុធហត្ថម្នាក់ស្លាប់បាត់បង់ជីវិត ហើយថ្មីៗនេះបានបញ្ជាឲ្យ កូនចៅយករថយន្តជាច្រើនគ្រឿង ប្រដេញរថយន្តដឹកបទល្មើស បណ្តាលឲ្យក្រឡាប់ តែសំណាងល្អ មិនបានមនុស្សស្លាប់ ។
លោក សេង ប៊ុនតេង ខលសុំការបំភ្លឺជាច្រើនលើក តែមិនលើកទូរស័ព្ទ ពេលខ្លះលើក ហើយចុចបិទ ។ប្រជាពលរដ្ឋ ក៏ដូចជាអាជ្ញាធរសំណូមពរឲ្យលោក អ៊ុត សំអន អភិបាលខេត្តកំពង់ធំ និងជាប្រធានគណៈបញ្ជាការឯកភាពខេត្ត មេត្តាជួយលុបបំបាត់ការប្រដេញប្រសេចប្រសាច ចាប់យកលុយដាក់ហៅប៉ៅខ្លួនឯង និងសូមអោយអាណិតអាសូរជីវិតប្រជាពលរដ្ឋ ដែលរស់នៅតាមដងផ្លូវផង ។
ដោយ អ្នកតាមានភ្នែក
