ប្រជាកសិករចំនួន២៩នាក់មកសង្កាត់ស្ពានមានជ័យ នឹងសុខដុម ក្រុងសែនមនោរម្យបានទទួល វគ្គបណ្តុះបណ្តាលស្តីពីបច្ចេកទេសដាំដុះបន្លែពីមន្ទីរកសិកម្ម ខេត្តមណ្ឌលគិរី នៅព្រឹកថ្ងៃទី១៦ តុលា នេះ។ វគ្គបណ្តុះបណ្តាលនេះមានការអញ្ជើញបិទវគ្គដោយឯកឧត្តម អេង ប៊ុនហ៊ាង អភិបាលនៃ
គណៈអភិបាលខេត្តផងដែរ។
ប្រធានមន្ទីរកសិកម្មខេត្តមណ្ឌលគិរី លោក សុង ឃាង បានធ្វើបទបង្ហាញដល់ប្រជាកសិករទាក់ទងទៅនិងការគ្រប់គ្រងជីជាតិដី បច្ចេកទេសដាំដុះដំណាំបន្លែ ការថែទាំ លក្ខណះបំផ្លាញរបស់សត្វល្អិត នឹងជំងឺលើដំណាំបន្លែ ព្រមទាំងវិធានការការពារ កំចាត់សត្វល្អិត នឹងជំងឺលើដំណាំបន្លែផងដែរ។ 
លោកប្រធានមន្ទីរបានបន្តថា ក្នុងវគ្គនេះប្រជាកសិករដែលចូលរួមនិងទទួលបានអំណោយ គ្រាប់ ពូជ មួយចំនួនដូចជា គ្រាប់ត្រសក់ គ្រាប់ស្ពៃចង្កឹះ គ្រាប់សណ្តែកគួរ គ្រាប់ស្ពៃតឿ និងស្ពៃក្តោប ដើម្បីយកទៅអនុវត្តកាដាំដុះជាក់ស្តែង។
ថ្លែងបិទវគ្គបណ្តុះបណ្តាលនាពេលនោះ ឯកឧត្តម អេង ប៊ុនហ៊ាង បានមានប្រសាសន៌ ផ្តាំផ្ញើដល់កសិករទាំងអស់ក្រោយពីទទួលបាន នូវវគ្គបណ្តុះបណ្តាលដ៏ខ្លីនេះ ទទួលបាននូវជំនាញ បទពីសោធន៍ និងបច្ចេកទេស ត្រូវយកទៅ អនុវត្តន៍ការដាំដុះឲ្យបានទិន្នផលខ្ពស់ ហើយគ្រប់ពូជដំណាំដែលចែកជូនត្រូវយកទៅដាំឱ្យអស់លទ្ធភាពជៀសវាងទុក ដីទំនេរចោល និងខិតខំបង្កបង្កើនផលចិញ្ចឹមសត្វបន្ថែម ដើម្បីអោយជីវភាពរស់នៅកាន់តែប្រសើឡើងមួយកំរិតទៀត។
ប្រជាកសិករដែលចូលរួមក្នុងវគ្គនេះមានភាពរីរាយយ៉ាងខ្លាំង ហើយពួកកាត់ក៏បានសំនូមពរអោយ មន្ទីរកសិកម្មមានបើកវគ្គបណ្តុះបណ្តាលនិងជំនាញថ្មីៗនេះបន្ថែមទៀតដើម្បីឲ្យពួកគាត់មានជំនាញពិតប្រាកដផ្នែកកសិកម្មក្នុងការដាំដុះដើម្បីឲ្យមានចំណូលក្នុងគ្រួសារបន្ថែមទៀតហើយម្យ៉ាងទៀត សូមអោយមន្ទីរផ្តល់គ្រាប់ពូជបន្លែបន្តរទៀតនៅឆ្នាំក្រោយៗទៀតផងដែរ។
