សៀមរាប : នាព្រឹកថ្ងៃចុងសប្តាហ៍ខែតុលានេះលោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាបនិងលោកជំទាវព្រមទាំងនគរបាលក្រោមឱវាទមួយចំនួននៃស្នងការដ្ឋាននគរបាលខេត្តសៀមរាប ។ បានអញ្ជើញទៅបូជាទៀនធូកនិងយកកម្រងផ្កាទៅបូជានៅព្រះអង្គចេក ព្រះអង្គចមដែលជាទីគោរពសក្ការ:ដ៏សក្ក័សិទ្ធក្នុងទឹកដីប្រវត្តិសាស្ត្រនៃខេត្តសៀមរាបអង្គរនៃយើង ។ ដោយពិធីនេះបានរៀបចំធ្វើឡើងគឺក្នុងគោលបំណងដើម្បីបួងសួងសុំសេចក្កីសុខ សេចក្តីចម្រើននិងសូមអោយភាពចង្រៃឩបទ្រុបជៀសចេញអោយឆ្ងាយ និងសូមអោយបរមីដ៏សក្ក័សិទ្ធទាំងអស់ដែលគង់ចាំថែរក្សានៅក្នុងប្រទេសកម្ពុជាដោយឡែក
ខេត្តសៀមរាបសូមតាមជួយបីបាច់ថែរក្សាដល់កងកម្លាំងនគរបាលជាតិទាំងអស់នៃស្នងការដ្ឋាននគរបាលខេត្តសៀមរាបអោយបំពេញនូវតួនាទីភារកិច្ចស្នូលរបស់ខ្លួនអោយទទួលបាននូវជោគជ័យគ្រប់ពេលវេលា ។ សំដៅរួមសូមអោយទទួលបាននូវការ ការពារ ថែរក្សា សន្តិសុខ សុវត្ថិភាព និង សណ្តាប់សង្គមជូនដល់ប្រទេសជាតិអោយកាន់តែមានភាព
រីកចម្រើនថ្វេរដងស្របពេលដែលប្រទេសកម្ពុជារបស់យើងនាពេលបច្ចុប្បន្ននេះកំពុងតែមានភាពរីកចម្រើននិងកិច្ចអភិវឌ្ឍន៍លើគ្រប់វិស័យក្រោមមាគា៍ដឹកនាំប្រទេសប្រកបដោយគិតិបណ្ឌិតដ៏ខ្ពង់ខ្ពស់ពីសំណាក់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ៕ ដោយ លោក ព្រិន្ទបាលទោ ខេង ខេមរា
