បន្ទាយមានជ័យ:ដោយមានកិច្ចសហប្រតិបត្តិការល្អរវាងខេត្តបន្ទាយមានជ័យនិងខេត្តយូណាន់ប្រទេសចិនឯកឧត្ដម អ៊ុង អឿន ប្រធានក្រុមប្រឹក្សាខេត្តបន្ទាយមានជ័យ កាល ពីថ្ងៃទី ២០ តុលា ២០១៤បានអនុញ្ញាតអោយប្រតិភូសភាពាណិជ្ជកម្មចិនខេត្តយូណាន់ ជូបសម្ដែងការគួរសម និងបង្កើន
កិច្ចសហប្រតិបត្តិការថែមទៀតផ្នែកពាណិជ្ជកម្ម និងការវិនិយោគទុន ។
ប្រតិភូសភាពាណិជ្ជកម្មចិនខេត្តដឹកនាំដោយលោក ហ្សាង កុងហ្សីង អគ្គលេខា ធិការរងទី១ នៃសភាពាណិជ្ជកម្មខេត្តយូណាន និងសមាជិក ២០រូបទៀតជា ប្រធាន អនុប្រធានក្រុមហ៊ុន សហគ្រាសក្នុងខេត្តព្រមទាំងមានការទទួលយ៉ាងរាក់ទាក់ពី ឯកឧត្ដម លី អ៊ុតនី ប្រធានសភាពាណិជ្ជកម្មខេត្តបន្ទាយមានជ័យ មន្ទីរពាក់ព័ន្ធ។
ឯកឧត្ដម អ៊ុង អឿន ប្រធានក្រុមប្រឹក្សាខេត្តបន្ទាយមានជ័យក្នុងជំនួបនេះ បាន លើកឡើងពីសក្តានុពល និងវិសាលភាពផ្ទៃដីធំធេង ប្រកបដោយជីជាតិ ដែលមាន ភាពងាយស្រួលលើការវិនិយោគផ្នែកកសិកម្ម មានជ្លូវជាតិ និងផ្លូវដែកដែលនិងតភ្ជាប់ កម្ពុជាខេត្តបន្ទាយមានជ័យទៅខេត្តយូណានក្នុងពេលឆាប់នេះ ខេត្តក៍មានប្រជាជន ភាគច្រើនប្រកបរបរកសិកម្ម ហើយក៏ជាកម្លាំងពលកម្មដ៏សម្បូបែបសម្រាប់ បម្រើក្នុង រោងចក្រ សហគ្រាសអ្នកវិនិយោគទុន។ 
ឯកឧត្ដម អ៊ុង អឿន លើកឡើងពីការចុះ MOUរវៀងខេត្តទាំងពីរបន្ទាយមានជ័យ យូណាន ជាលទ្ធផលបានទទួល ឧទ្យានមិត្តភាពកសិកម្ម ដែលចំណាយទឹក ប្រាក់៥០ ម៉ឺនដុល្លា ម៉ាស៊ីនម៉ូមទឹក២០០គ្រឿង និងអាគាសិក្សា១ខ្នងដែលមិន ទាន់បានសាង សង់ដោយទីតាំងត្រូវរងទឹកជំនន់។ លោក ហ្សាង កុងហ្សីង អគ្គលេខាធិការរងទី១ នៃសភាពាណិជ្ជកម្មខេត្តយូណាន មានប្រសាសន៍ថា: ខេត្តដែលមានទឹកដីជាប់ជាប់ព្រំប្រទល់គោគ ធំធេងមានអាកាស ធាតុ មិនទៀងទាត់តែបានខិតខំដោយខ្លួនឯង រហូតទទួលបានជោគជ័យលើ ការងារ និយោគ ឧស្សហកម្ម និងការដាំដុះ។ហើយខេត្តយូណាននិងខិតខំរក្សា កិច្ចសហប្រតិប័ត្តការណ៍ល្អជាខេត្តបន្ទាយមានជ័យ ដើម្បីបង្កើនសេដ្ឋកិច្ចខេត្តទាំង២អោយកាន់តែមានភាពរីកចម្រើន។
ឯកឧត្ដម អ៊ុង អឿន ប្រធានក្រុមប្រឹក្សាខេត្តបន្ទាយមានជ័យ មានប្រសាសន៍ ថ្លែងអំណរគុណដល់ខេត្តជាមិត្តដែលបានជួយជ្រោមជ្រែងរហូតមក ហើយនៅតែបន្តរក្សា កិច្ចសហប្រតិបត្តិការល្អនេះ និងជឿជាក់ថាអ្នកវិយោគ ខេត្តយូណាននិងសិក្សា លើភូមិ សាស្ដ្រខេត្តដើម្បីបណ្ដាក់ទន់វិនិយោគក្នុងវិស័យណា១មិនខាន។ព្រោះថាខេត្តបន្ទាយមានជ័យជាខេត្តមួយជាប់ព្រំដែននិងប្រទេសថៃហើយខេត្តនេះក៍ជាខេត្តពពេញដោយសក្តានុពលលើវិស័យកសិកម្មនិងឧស្សាហកម្ម ពាណិជ្ជកម្ម៕
