នៅរសៀលថ្ងៃទី១៩ ខែតុលា ឆ្នាំ២០១៤ លោក ឡាយ វណ្ណៈ អភិបាលនៃគណអភិបាលខេត្តតាកែវបានអញ្ជើញជាអធិបតីក្នុងពិធីសំណេះសំណាលថ្នាក់ដឹកនាំសាសនឹកឥស្លាមចំនួន១១០នាក់មកពីខេត្តតាកែវ និងខេត្តកំពត អង្គពិធីនេះផងដែរមានការអញ្ជើញចូលរួមពីសំណាក់អស់លោកលោកស្រីក្រុមការងាររបស់គណបក្សប្រជាជនកម្ពុជាជាច្រើនរូបទៀត។ នាឱកាសនោះផងដែរលោក ឡាយ វណ្ណៈ អភិបាលនៃគណអភិបាលខេត្តតាកែវបានមានប្រសាសន៍ថា យើងជាកូនខ្មែរត្រូវតែចូលរួមសាមគ្គីគ្នាដើម្បីលើកកម្ពស់ជាតិខ្មែរ និងចូលរួមគាំទ្រយ៉ាងសកម្មជាមួយថ្នាក់ដឹកនាំកំពូលរបស់យើងជាពិសេសទៅជាមួយគណបក្សប្រជាជនកម្ពុជាយើងដែលមានវ័យចំណាស់ជាងគេហើយធ្វើអ្វីៗតែអំពើរល្អសម្រាប់សង្គមជាតិ និងប្រជាពលរដ្ឋឲមានមានសេចក្តីសុខសាន្តតែប៉ុណ្ណោះ និងការរីកចម្រើនលើគ្រប់វិស័យ ហើយ
មានការទំនាក់ទំនងល្អជាមួយប្រទេសជិតខាងនេះ ជាការចង់បានរបស់គណបក្សប្រជាជនយើង ហើយបងប្អូនកុំជឿតាមការឃោសនារបស់គណបក្សដ៏ទៃទៀតឲសោះ ពីព្រោះសព្វថ្ងៃនេះពួកគេគ្មានបានធ្វើអ្វីក្រៅពីជេប្រមាថ និងញ៉ុះញ៉ុងបំផុសបងប្អូនប្រជាពលរដ្ឋឲទៅធ្វើបាតុកម្ម ឲមានអសន្តិសុខក្នុងសង្គមជាក់ស្តែងគឺចឹង។ លោកអភិបាលនៃគណអភិបាល
ខេត្តតាកែវបន្តទៀតថា កន្លងមកខ្ញុំកោតសសើរចំពោះបងប្អូនឥស្លាមយើងបានចូលរួមគាំទ្រគណបក្សប្រជាជនកម្ពុជាយើងយ៉ាងពេញទំហឹងចំណុចត្រង់នេះជាជម្រើសដ៏ល្អសម្របា់បងប្អូនពីព្រោះទីណាមានគណបក្សប្រជាជនកម្ពុជា ទីនោះមានសេចក្តីសុខសាន្តមានសុវត្ថិភាពជូនបងប្អូនគ្រប់គ្រាន់ជាក់ស្តែងសព្វថ្ងៃបងប្អូនបានឃើញស្រាប់ហើយអ្វីៗគ្រប់ទីកន្លែងគួរឲកត់សម្គាល់ទាំងអស់ នោះជាស្នាដៃ និងលទ្ធផលក្រោមការដឹកនាំរបស់សមេ្តចទាំង៣របស់យើងបានតស៊ូតាំងពីបាតដៃទទេរមកទល់ពេលនេះអ្វីៗក៏មានគ្រប់គ្រាន់ សូម្បីតែប្រទេសដ៏ទៃៗក៏គេកោតសសើរដែរ។
