បន្ទាយមានជ័យះយុវជនម្នាក់អាយុ១៩ឆ្នាំត្រូវអាវុធហត្ថខេត្តបន្ទាយមានជ័យធ្វើការឃាត់ខ្លួនបញ្ូនទៅសាលាដំបូងខេត្តបន្ទាប់ពីបានត្រូវរូវគ្នារួមភេទជាមួយក្មេងស្រីអាយុ១៤ឆ្នាំនៅនឹងផ្ទះសំណាក់ជាយក្រុងក្នុងក្រុងសិរីសោភ័ណកាលពីថ្ងៃទី១៩តុលា២០១៤ចំនួន២លើក។លោក ស្រូយ ប៉ែន
ប្រធានមន្ទីរស្រាវជ្រាវបទល្មើសព្រហ្មទ័ណ្ឌអាវុធហត្ថខេត្តបន្ទាយមានជ័យ បានអោយដឹងថាក្រោយពីទទួលបានព័ត៍មានពីម្តាយក្មេងស្រីអាយុ១៤ដែលបានប្តឹងចោទប្រកាន់យុវជនឈ្មោះ អ៊ុយ អេម អាយុ១៩ឆ្នាំមានទីលំនៅភូមិ១សង្កាត់កំពង់ស្វាយក្រុងសិរីសោភ័ណបានចាប់រំលោភលើក្មួយស្រីឈ្មោះ ព ជ អាយុ១៤ឆ្នាំមានទីលំនៅក្បែគ្នា។
លោកក៍បានធ្វើការស្រាជ្រាវរហូតឈានដល់ការឃាត់ខ្លួនយុវជនសង្ស័យខាងលើនារសៀលថ្ងៃទី២០តុលា២០១៤។តាមការរៀបរាប់របស់ក្មេងស្រីបានអោយដឹងថាខ្លួនបានទំនាក់ទំនងជាមួយឈ្មោះ អ៊ុយ អេម តាមទូរស័ព្ទរហូតណាត់ជួបដើរលេងជាមួយគ្នាដល់យប់ថ្ងៃទី១៨ដោយពុំហ៊ានចូលផ្ទះក៍ទៅសុំព្រះសង្ឃដេកនៅវត្តតែលោកពុំអោយក៍ទៅដេកក្នុងខ្ទមតាមផ្លូវតែដោយមិនអាចដេកបានក៍នាំគ្នាទៅដេកនៅផ្ទះសំណាក់មួយឈ្មោះថាជាយដែន។ការដេកនោះពុំបានធ្វើអ្វីនោះទេគឺគ្រាន់តែអោបថើបគ្នារហូតថ្ងៃទី១៩ក៍បានដើរលេងជាមួយគ្នាហើយនាំគ្នាទៅដេ្ផ្ទះសំណាក់ដដែលបានរួមភេទជាមួយគ្នា២ដង។ចំណែកយុវជន អ៊ុយ អេម បានសារភាពថាខ្លួនគេពិតជាបាននាំក្មេងខាងលើទៅដេកមែនតែសុទ្ធតែមានការព្រមព្រៀងគ្នា។
ទោះបីជាមានការបកស្រាយយ៉ាងណាក៍ដោយប៉េអឹមបានសន្និដ្ឋានថាជនសង្ស័យបានឆ្លៀតឧកាសរំលោភសេពសន្ថវះលើក្មេងស្រី។ហើយបានបញ្ជូនជនសង្ស័យទៅសាលាដំបូងខេត្តបន្ទាយមានជ័យនៅព្រឹកថ្ងៃទី២២តុលា២០១៤នោះ៕
សូមបញ្ជក់ថាជាញឹកញាប់ការរំលោភសេពសន្ថវះលើអនីតិជនតែងកើតទ្បើងតាមផ្ទះសំណាក់ដែលបង្កើតទ្បើងតាមទីកន្លែងស្ងាត់ឆ្ងាយពីទីប្រជុំជនដោយមានការបិទបាំងសំរាប់អោយអ្នកដែលមានដៃគូទៅដេកជាពិសេសផ្ទះសំណាក់ទាំងនោះតែងអនុញាត្តអោយសឹស្សសាលាឬក្មេងមិនទាន់គ្រប់អាយុ
ពុំមានអាណាព្យាបាលទៅជាមួយចូលដេក។ទោះបីជាមានបទល្មើសរំលោភសេពសន្ថវះបាន៩កើតទ្បើងជាញឹកញាប់យ៉ាងណាក៍ដោយក៍ផ្ទះសំណាក់ទាំងនោះនៅតែបន្តបើកទ្វារអោយភ្ញៀវចូលដេកមិនត្រូវបានបិទឬក៍ជាប់ពាក់ព័ន្ធនិងច្បាប់ឬក៍ត្រូវអាជ្ញាធរចុះធ្បើរដ្ឋបាលដែរ៕
