ខេត្តក្រចេះ៖បុរសជាអ្នកបើកបររថយន្តសាំយ៉ុងម្នាក់ គឺត្រូវបានកម្លាំងនគរបាលចរាចរណ៍ស្រុកស្នួល បានកសាងសំណុំរឿងបញ្ជូនខ្លួនមកកាន់សាលាដំបូងខេត្ត ដោយចោទប្រកាន់ពីបទ បើកបររថយន្តបង្កឲ្យមានមនុស្សស្លាប់ ខណះដែលជននេះបានបើករថយន្តក្នុងស្ថានភាពស្រវឹងស្រា
ជោគជាំ ហើយបានបុករះអ្នកធ្វើដំណើរជាបន្តបន្ទាប់ បង្កឱ្យមានមនុស្សចំនួនពីរនាក់បានស្លាប់និងម្នាក់ទៀតរបួសធ្ងន់។ការបញ្ជូនខ្លួនជនជាអ្នកបើកបររថយន្ត បង្កឲ្យមានមនុស្សស្លាប់និងរបួសទៅកាន់សាលាដំបូងបានធ្វើឡើង ក្រោយពីមានការឃាត់ខ្លួនមកសាកសួរអស់រយះ ពេល២ថ្ងៃរួចមកហើយជនរូបនេះគឺត្រូវកម្លាំងនគរបាលចរចារណ៏បញ្ជូនខ្លួនទៅ កាន់សាលាដំបូងខេត្តនារសៀលថ្ងៃទី២២ខែតុលានេះ ដើម្បីចាត់វិធានការតាមនិតិវិធី។
អ្នកបើករថយន្តបង្កហេតុម្នាក់នេះ ឈ្មោះ ហៀក ហេង អាយុ៤២ឆ្នាំ មុខរបរជាអ្នកបើករថយន្តតាក់ស៊ី មានទីលំនៅភូមិថ្នល់ ឃុំស្វាយជ្រះ ស្រុកស្នួល ខេត្តក្រចេះ។គឺត្រូវបានឃាត់ខ្លួនបន្ទាប់ពីបង្កហេតុរួច ហើយនគរបាលបានធ្វើការវាស់ស្ទង់ជាតិអាល់កុល ក្នុងខ្លួនជននេះឃើញថា មានជាតិអាល់កុលកម្រិត០,៨៨ មីល្លីក្រាម ដែលកម្រិតនេះ គឺប្រឈមទៅនឹងការផ្តន្តាទោសដាក់ពន្ធនាគារ។
លោកវរៈសេនីយ៍ត្រី កែវ វីណូ អធិការរងស្រុស្នួល ទទួលបន្ទុកសណ្តាប់ធ្នាប់បានឱ្យដឹងថា ជននេះបានផឹកស្រាស្រវឹងជោកជាំហើយបានបើកបររថយន្តសាំយ៉ុង ពណ៍សពាក់ស្លាកលេខភ្នំពេញ2L-5437 បើកបរពីត្បូងទៅជើង ក្នុងល្បឿនលឿនទៅបុកម៉ូតូលក់នំប៉ាវមួយគ្រឿងនៅចំនុចឃុំឃ្សឹម ស្រុកស្នួល បង្កឱ្យបុរសជាអ្នកជិះម៉តូដឹកធុងនំប៉ាវលក់តាមផ្លូវម្នាក់ឈ្មោះស៊ីម សាយ អាយុ៣១ឆ្នាំមានទីលំនៅភូមិស្រែស្តៅ សង្កាត់អូរឬស្សី ក្រុងក្រចេះ រងរបួសបាក់ផ្លូវត្រូវបញ្ជូនទៅសង្ក្រោះនៅមន្ទីរពេទ្របង្អែកស្រុក។
ក្រោយពីកើតហេតុជនជាអ្នកបើកបររថយន្តបង្ក បានព្យាយាមបើរត់គេចរហូតដល់ចំណុចបត់សុក្រំ ក្នុងភូមិថ្នល់ ឃុំស្វាយជ្រះ ស្រុកស្នួល ក៏បានកៀរម៉ូតូម៉ាកវីវ៉ា ពណ៍ខ្មៅមួយគ្រឿងទៀត ពាក់លេខរដ្ឋធ្វើដំណើរស្របទិសគ្នា ដែលមានជិះគ្នាពីរនាក់ បង្កឱ្យជនរងគ្រោះជាអ្នកបើបរម៉ូតូម្នាក់ ឈ្មោះ ឯម បញ្ញា អាយុ៤៧ឆ្នាំ រស់នៅភូមិឬស្សីចារ ឃុំថ្មគ្រែ ស្រុកចិត្របុរី ជាមន្ត្រីរាជការនៅមន្ទីរកសិកម្មខេត្ត ដែលទើបតែចូលនិវត្តន៍ បានផ្លោងបោកក្បាលស្លាប់នៅនិងកន្លែងកើតហេតុ។
ចំណែកអ្នករួមដមណើរម្នាក់ទៀតឈ្មោះ ស្រី តន អាយុ៥៧ឆ្នាំ រស់នៅភូមិកាប៉ូ សង្កាត់អូរឬស្សី ក្រុងក្រចេះ មានមុខងារជាមេបញ្ជាការរងយោធាស្រុកចិត្របុរី បានស្លាប់ពេលបញ្ជូនទៅសង្ក្រោះនៅមន្ទីរពេទ្របង្អែក។បច្ចុប្បន្នជនជាអ្នកបើករថយន្តបង្ក ត្រូវបានតំណាងអយ្យការអមសាលាដំបូងខេត្តក្រចេះសម្រេចឃុំខ្លួននៅក្នុងពន្ធនាគារបណ្ដោះអាសន្ន នារសៀលថ្ងៃទី២២ ខែតុលានេះ៕
