រដ្ឋាភិបាលរបស់នាយករដ្ឋមន្ដ្រី ស៊ីនហ្សូ អាបេ បានជួបវិបត្ដិយ៉ាងខ្លាំង នៅពេលដែលរដ្ឋមន្ដ្រីពីររូបលាលែងពី តំណែងក្នុងរយៈពេលមួយថ្ងៃ ។ អ្វីដែល គេចាប់អារម្មណ៍បំផុតនោះគឺរដ្ឋមន្ដ្រី ដែលលាលែងពីតំណែង សុទ្ធសឹងជាស្ដ្រី។ ភ្លាមៗនោះ បុគ្គលថ្មី២រូបត្រូវបាន ជ្រើសរើសមក
ជំនួសតំណែងដ៏សំខាន់ គឺ លោកស្រី Yoko Kamikawa កាន់ តំណែងជារដ្ឋមន្ដ្រីក្រសួងយុត្ដិធម៌ជំនួស លោកស្រី Midori Matsushima ដែល ទើបតែលាលែងពីតំណែង ។ ចំណែករដ្ឋ មន្ដ្រីក្រសួងសេដ្ឋកិច្ច ពាណិជ្ជកម្ម និង ឧស្សាហកម្មគឺលោក Yoichi Miyaza-wa អាយុ៦៤ឆ្នាំឡើងកាន់តំណែងជំនួស លោកស្រី Yuko Obuchi ។
តាមសារព័ត៌មានក្យូដូ រដ្ឋមន្ដ្រី ក្រសួងយុត្ដិធម៌ Midori Matsushima បានលាលែងពីតំណែង ក្រោយរយៈពេល ប៉ុន្មានម៉ោងប៉ុណ្ណោះដែលរដ្ឋមន្ដ្រីក្រសួង សេដ្ឋកិច្ច លោកស្រី Yuko Obuchi ដាក់លិខិតសុំលាលែងពីតំណែងឡើងទៅ កាន់នាយករដ្ឋមន្ដ្រីស៊ីនហ្សូ អាបេ ។
នាយករដ្ឋមន្ដ្រីជប៉ុន លោកស៊ីនហ្សូ អាបេបានប្រកាសទៅកាន់អ្នកសារព័ត៌ មានថា “ខ្ញុំជាអ្នកតែងតាំងរដ្ឋមន្ដ្រីទាំង ពីររូបខាងលើក្នុងនាមជានាយករដ្ឋមន្ដ្រី ខ្ញុំសូមទទួលខុសត្រូវ និងសូមអភ័យទោស ពីហេតុការណ៍ដែលបានកើតឡើង” ។
អតីតរដ្ឋមន្ដ្រីក្រសួងយុត្ដិធម៌ លោក ស្រី Matsushima ជាប់ពាក់ព័ន្ធរឿង អាស្រូវស្ដីពីច្បាប់បោះឆ្នោត ។ កាលពី ថ្ងៃទី១៨ ខែតុលា គណបក្សប្រជាធិប តេយ្យដែលជាគណៈបក្សប្រឆាំងបាន ចោទប្រកាន់លោកស្រីថា លោកស្រីបាន ចែកផ្លឹតក្រដាស់ដែលមានឈ្មោះលោក ស្រីចែកចាយដល់ប្រជាពលរដ្ឋនៅមុន ពេលបោះឆ្នោត ។ ចំណែកអតីតរដ្ឋមន្ដ្រី ក្រសួងសេដ្ឋកិច្ច លោកស្រី Obuchi ទទួលរងការចោទប្រកាន់ប្រើប្រាស់មូល និធិគោលនយោបាយខុសគោលដៅ ។
លោកស្រី Yuko Obuchi អាយុ៤០ ឆ្នាំ ជាអ្នកនយោបាយស្រីដែលកំពុងតែ លេចធ្លោក្នុងឆាកនយោបាយជប៉ុន ។ លោកស្រីជារដ្ឋមន្ដ្រីមួយរូបក្នុងចំណោម រដ្ឋមន្ដ្រីស្រីទាំង៥រូប ត្រូវបាននាយករដ្ឋ មន្ដ្រីជប៉ុន លោកស៊ីនហ្សូ អាបេ ជ្រើស រើសឱ្យកាន់តំណែងសំខាន់ៗក្នុងគោល ដៅជួយដល់វិស័យសេដ្ឋកិច្ចប្រទេសនេះ រីកចម្រើន ។
រឿងអាស្រូវក្នុងជួររដ្ឋាភិបាលជប៉ុន បានធ្វើឱ្យការគាំទ្រធ្លាក់ចុះយ៉ាងខ្លាំង ។ តាមតួលេខរបស់បណ្ដាញព័ត៌មានក្យូដូ បានឱ្យដឹងថា ពលរដ្ឋជប៉ុន៤៨,១ភាគ រយគាំទ្រគណៈរដ្ឋមន្ដ្រីរបស់លោកនាយក រដ្ឋមន្ដ្រីស៊ីនហ្សូ អាបេ ជាចំនួនថយចុះ យ៉ាងខ្លាំងបើប្រៀបធៀបនឹងខែកញ្ញា ឆ្នាំ ២០១៤កន្លងមកដែលមានសំឡេងពល រដ្ឋគាំទ្ររហូតដល់៥៤,៩ភាគរយ 9
