សៀមរាប៖ មានករណីគ្រោះថ្នាក់ចរាចរណ៍រវាងរថយន្តនិងម៉ូតូដឹកជញ្ជូនម្ហូប។ ហេតុការណ៍បានកើតឡើងនៅមុខផ្សារចាស់សៀមរាប នៅវេលាម៉ោងប្រមាណជាង ៧ព្រឹក ថ្ងៃទី ២៦ ខែវិច្ឆិកា ឆ្នាំ២០២៤ នេះ។ នេះបើតាមប្រភពព័ត៌មានពីពលរដ្ឋបានរាយការណ៍បឋម ។
សមត្ថកិច្ចបានឲ្យដឹងថា រថយន្តដែលជួបហេតុការណ៍គ្រោះថ្នាក់ចរាចរណ៍ធ្វើដំណើរពីជើងទៅត្បូង ចំណែកម៉ូតូធ្វើដំណើរពីកើតទៅលិច។ ករណីនេះជំនាញនគរបាលចរាចរណ៍បានចុះធ្វើការវាស់វែងនិងនាំយកវត្ថុតាងទាំងពីរយកទៅ ស្នាក់ការនគរបាលចរាចរណ៍ផ្លូវគោកដើម្បីដោះស្រាយតាមនីតិវិធី។ ជុំវិញករណីគ្រោះថ្នាក់ចរាចរណ៍នេះសមត្ថកិច្ចមិនទាន់បញ្ជាក់អំពីមូលហេតុនៅឡើយ៕
