ក្រុងប៉ោយប៉ែត៖ប្រជាពលរដ្ឋចំនួន៩២គ្រួសារ ក្តៅក្រហាយនិងក្រុមហ៊ុនអានកូ ដែលជាក្រុមហ៊ុនមួយផលិតទឹកស្អាតលក់នៅក្នុងក្រុងប៉ោយប៉ែត បានធ្វើសកម្មភាពទប់ទឹកបង្កអោយលិចក្នុងលំនៅដ្ឋានរបស់គាត់ទាំងស្រុង ហើយធ្វើអោយផលស្រូវទុំ របស់ប្រជាកសិករចំនួន១២៥ហិកតា រងគ្រោះ
ថ្នាក់ធ្ងន់ធ្ងរ ប៉ុន្តែទង្វើរបែបនេះ ត្រូវបានអាជ្ញាធររាយការណ៏ជូនថ្នាក់លើដើម្បីមានវិធានការហើយ មកដល់ពេលនេះ ពុំទាន់ឃើញមានក្រុមហ៊ុនខាងលើនោះ បង្ហូទឹកចេញពីក្នុងអាងរបស់ខ្លួនដើម្បីសង្គ្រោះស្រូវនិងផ្ទះប្រជាពលរដ្ឋឡើយ។ក្នុងហេតុការខាងលើនោះ គឺកើតមានកាលពីថ្ងៃទី៣១ ខែតុលា មកដល់ថ្ងៃទី៣ ខែវិច្ចិការ ឆ្នាំ២០១៤នេះ នៅចំណុចភូមិអូរល្ហុង ហៅភូមិសន្តិភាព ស្ថិតក្នុងឃុំទួលពង្រ ស្រុកម៉ាឡៃ ខេត្តបន្ទាយមានជ័យ ខណះដែលម្ចាស់
ក្រុមហ៊ុនអានកូ បានធ្វើសកម្មភាពយកគ្រឿងចាក់ ទប់ទំនប់ទឹកដោយរក្សាទឹក សម្រាប់លក់និងសម្រាប់ផលិតទឹកស្អាតលក់ នៅក្នុងខេត្តបន្ទាយមានជ័យនិងក្រុងប៉ោយប៉ែត ប៉ុន្តែការទប់ទំនប់ទឹកនោះ បង្កការលំបាកដល់ប្រជាពលរដ្ឋនិងផលស្រូវរបស់ពួកគាត់ធ្ងន់ធ្ងរទៀតផង។ប្រភពព័ត៏មានពីពលរដ្ឋរងគ្រោះ ដែលស្ថិតនៅក្នុងភូមិកើតហេតុខាងលើបានអោយដឹងថា មានផ្លូវលំចំនួន៥កន្លែង ចាក់ដោយគ្រួសក្រហម មានប្រវែងជាង១០០០ម៉ែត្រ បានរងនៅការ
លិចលង់ទាំងស្រុង ពលរដ្ឋដ៏ដែលបានបន្តទៀតថា សូម្បីតែការធ្វើដំណើរថ្មើរជើងរឺម៉ូតូ ក៏មានការលំបាកខ្លាំងណាស់ ហើយពួកគាត់ភាគច្រើនប្រើទូកចម្លង ទាំងយប់ទាំងថ្ងៃតែម្តង ជនរងគ្រោះដ៏ដែលបន្តទៀតថា មានផលស្រូវរបស់ពួកគាត់បានទុំរាបនិងច្រូតប្រមូលផលទៅហើយស្រាប់តែទឹកលិចទាំងស្រូវទាំងផ្ទះតែម្តង តែគ្មានសង្ឃឹមនិងប្រមូលផលស្រូវត៏ទៅទៀតទេ បន្ទាប់ពីពួកគាត់បានរាយការណ៏ទៅភូមិ ឃុំ ស្រុក ខេត្តហើយ មិនទាន់ឃើញម្ចាស់ក្រុមហ៊ុនខាងលើនិងអាជ្ញាធរ នាំគ្នាបញ្ជេះទឹកចេញពីភូមិដ្ឋានរបស់ពួកគាត់ឡើយ ពួកគាត់បានបន្តទៀតថា បើសិនជាអាជ្ញាធរនិងក្រុងហ៊ុនធ្វើព្រងើយត៏ទៅទៀតនោះ ពួកគាត់និងលើកគ្នាទៅ
កាយមុខទឹកនោះចេញដោយមិនបាច់សុំការអនុញ្ញាតិពីអស់លោកណានោះទេ ។លោកមេឃុំទុំម៉ន មេឃុំទួលពង្រស្រុកម៉ាឡៃ បានអោយដឹងថា ពិតជាមានហេតុការខាងលើនោះក្នុងភូមិដ្ឋានរបស់ប្រជាពលរដ្ឋមែន លោកមេឃុំដ៏ដែលបានបញ្ជាក់ទៀតថា លោកបានរាយការណ៏ជូនចៅហ្វាយស្រុក ចៅហ្វាយខេត្ត និងមន្ទីកសិកម្មរួចហើយ ដើម្បីមានវិធានការជួយសង្គ្រោះពលរដ្ឋ និងផលស្រូវរបស់ពួកគាត់មួយចំនួនទៀត ប៉ុន្តែមកដល់ពេលនេះ មិនទាន់ឃើញមានអ្វីគូរអោយគត់សម្គល់ក្នុងការជួយសង្គ្រោះផលស្រូវ និងប្រជាពលរដ្ឋឡើយ លោកបានបន្តទៀតថា បើសិនជាថ្នាក់លើមិនរវល់តាមការសំណូមពររបស់ប្រជាពលរដ្ឋទេនោះ ច្បាស់ជាជនរងគ្រោះ លើកគ្នាទៅកាយមុខទឹកដើម្បីសង្គ្រោះផលស្រូវ និងលំនៅដ្ឋាន
ពួកគាត់ជាមិនខានឡើយ៕
