ខេត្តព្រះវិហារគ្រោះថ្នាក់ចរាចរមួយបានកើតទ្បើងនៅចំណុចផ្លូវកោងចូលទៅចំការអំពៅកាលពីវេលាម៉ោង១រសៀលថ្ងៃទី០៨វិច្ឆិការ២០១៤ស្ថិតនៅភូមិពោធិ៍ទាបឃុំម្លូរព្រៃ២ស្រុកឆែបជាប់ព្រំប្រទល់ស្រុកត្បែងមានជ័យខេត្តព្រះវិហារបណ្តាលអោយជនជាតិចិន៣នាក់ជាបុគ្គលិកក្រុមហ៊ុនចំការអំពៅបាន
ស្លាប់បាត់បង់ជីវិតដោយសារក្រទ្បាប់រថយន្ដចូលស្រះទឹកជ្រៅ។តាមការសន្និដ្ឋានរបស់សមត្ថកិច្ចនគរបាលមូលដ្ឋានដែលបានចូលរួមចុះទៅអង្កេតដល់កន្លែងកើតហេតុការណ៍បានអោយដឹងថាគ្រោះថ្នាក់ចរាចរដ៍អាក្រក់នេះបណ្តាលមកពីតៃកុងរថយន្ដមានការធ្វេសប្រហែសបើកបរក្នុងល្បឿនលឿននៅចំណុចផ្លូវកោងខ្លាំងហើយរអិលក្រទ្បាប់ចូលក្នុងស្រះទឹកធំមួយមានជំរៅជ្រៅនៅក្បែរទីតាំងកើតហេតុ។
គ្រោះថ្នាក់នេះបណ្តាលអោយអ្នកជិះក្នុងរថយន្ដចំនួន៣នាក់លង់ទឹកស្លាប់ទាំងអស់គ្នាដោយសារនៅដាច់ឆ្ងាយពីភូមិគ្មានអ្នកណាជួយសង្គ្រោះជីវិតទាន់ពេលវេលា។លោកតាអាចារ្យឈ្មោះភុយភីអាយុ៧៨ឆ្នាំបានអោយអ្នកសារព័ត៌មានដឹងនៅរសៀលថ្ងៃទី០៩វិច្ឆិការ២០១៤ថាសពជនជាតិចិនទាំង៣នាក់ត្រូវបានដឹកតាមរថយន្ដបែនយកមកតំកល់ទុកនៅវត្តប្រាសាទគោកបេងក្នុងសង្កាត់កំពង់ប្រណាកក្រុងព្រះវិហារកាលពីវេលាម៉ោង០៤និង០០នាទីរសៀលថ្ងៃទី០៨វិច្ឆិកា២០១៤។
បន្ទាប់មកនៅថ្ងៃដដែលមានជនជាតិចិន១ក្រុមជាបុគ្គលិកក្រុមហ៊ុនចំការអំពៅរួមទាំងអ្នកបកប្រែភាសាចិនម្នាក់បាននាំគ្នាមកពិនិត្យមើលសាកសពហើយបានចាក់ថ្នាំបារ៉តនិងក្លាសេទឹកកកកុំអោយសាកសពស្អុយរលួយ។លោកតាអាចារ្យបន្តទៀតថាតាមសំដីអ្នកបកប្រែភាសាចិនបាននិយាយថាគ្រោះថ្នាក់ក្រទ្បាប់រថយន្ដចូលក្នុងស្រះទឹកនេះមកពីស្ដ្រីជនជាតិចិនជាអ្នកបើកបររថយន្ដហើយប្ដីរបស់គាត់និងបុគ្គលិកម្នាក់ទៀតរួមដំណើរជាមួយគ្នាសង្ស័យងងុយដេកហើយបណ្តោយអោយប្រពន្ធជាអ្នកបើកបរជំនួសវិញ។
ការអះអាងបែបនេះដោយសារពេលស្រង់រថយន្ដរងគ្រោះពីទឹកស្រះឃើញស្ដ្រីជនជាតិចិនជាអ្នកកាន់ចង្កូតរថយន្ដ។ប្រភពព័ត៌មានដដែលបញ្ជាក់ថាខាងក្រុមហ៊ុនចិនបានទាក់ទងទៅកាន់សាច់ញាតិគ្រួសារសពនៅឯរាជធានីភ្នំពេញនិងនៅប្រទេសចិនរួចហើយដើម្បីមកទទួលសពជនរងគ្រោះទាំង៣នាក់ទៅកាន់ប្រទេសកំណើតរបស់ខ្លួនវិញ។រ
ថយន្ដរងគ្រោះម៉ាកហ្វ៉ត២បាំងពណ៌សខូចខាតធ្ងន់ធ្ងរបែកកញ្ចក់ខ្ទេចខ្ទីររីឯសពជនរងគ្រោះទាំង៣នាក់លោកតាអាចារ្យនិយាយថាមិនស្គាល់ឈ្មោះនោះទេ។គួរបញ្ជាក់ថាទិដ្ឋភាពនៅកន្លែងតំកល់សាកសពជនជាតិចិនទាំង៣នាក់ក្នុងវត្តប្រាសាទគោកបេងខាងលើនេះមានសភាពសោះកក្រោះឃើញមានតែលោកតាអាចារ្យ២នាក់ប៉ុណ្ណោះមិនឃើញមានមិត្តភ័ក្ត្ររួមការងារក្នុងក្រុមហ៊ុនជាមួយគ្នាណាម្នាក់មកដេកយាមកំដរនោះទេអន់ជាងពិធីតំកល់សពជនជាតិខ្មែរឆ្ងាយណាស់។ជាពិសេសលោកតាអាចារ្យដែលជាអ្នកដេកយាមខ្មោចចិនខាងលើបាននិយាយត្អូញត្អែរប្រាប់អ្នកសារព័ត៌មានថាពួកគាត់ទទួលបានប្រាក់ឧបត្ថមម្នាក់ៗ១ម៉ឺនរៀលតែប៉ុណ្ណោះថ្លៃលើកទឹកចិត្តដេកយាមម្ឈូសខ្មោចទាំង៣៕
