ខេត្តសៀមរាប៖កម្លាំងការិយាល័យប្រឆាំងគ្រឿងញៀនកងរាជអាវុធហត្ថខេត្តដឹកដោយស្រី ឈួន សុភា ព្រះរាជអាជ្ញារង បានចុះបង្ក្រាបករណីជូញដូរនិងប្រើប្រាស់គ្រឿងញៀនមួយកន្លែង កាលពីវេលាម៉ោង២៣និង៣០នាទីថ្ងៃទី០៩ខែវិច្ឆិកាឆ្នាំ២០១៤នៅចំណុចភូមិចុងកៅស៊ូសង្កាត់ស្លក្រាម ក្រុង
សៀមរាប។លោកវរៈសេនីយ៍ឯក ស្រី យូរ៉ា មេបញ្ជាការរងកងរាជអាវុធហត្ថខេត្តបានប្រាប់ឲ្យដឹងថា ជនសង្ស័យទាំង៤នាក់ត្រូវបានធ្វើការចាប់ខ្លួនមានៈទី១/ឈ្មោះអ៊ឹម រត្ន័ភេទប្រុសអាយុ៣២ឆ្នាំមុខរបរអ្នកកសារព័ត៌មានស្រឡាញ់ជាតិស្នាក់នៅភូមិវត្តបូព៌សង្កាត់សាលាកំរើកក្រុងសៀមរាប(ជួញដូរ)និង ទី២/ឈ្មោះអ៊ុល សុភាពភេទប្រុសអាយុ៣៣ឆ្នាំមុខរបរជាងកាត់កញ្ចក់
រស់នៅភូមិវត្តបូព៌សង្កាត់សាលាកំរើក(ជូញដូរ)ទី៣/ឈ្មោះ រឿន ប៊ុន ធឿន ភេទប្រុស អាយុ២៤ឆ្នាំ (ជួញដូរ)មុខរបរជាងរឺសម៉ករស់នៅភូមិស្លក្រាម សង្កាត់ស្លក្រាម ក្រុងសៀមរាបនិងទី៤/ឈ្មោះសៀង សំណាងភេទប្រុសអាយុ២៣ឆ្នាំមុខរបរជាងរឺសម៉ក(ប្រើប្រាស់)ស្នាក់នៅភូមិស្លក្រាម សង្កាត់ស្លក្រាម ក្រុងសៀមរាប។
លោកបន្ថែមទៀតថាក្រោយពេលចាប់ខ្លួនកម្លាំងជំនាញនៃការិយាល័យប្រឆាំងគ្រឿញៀនបានធ្វើការឆែកឆេររកឃើញគ្រឿងញៀនប្រភេទម្សៅគ្រើមរួចដកហូតបាន៣កញ្ចប់ធំ ទម្ងន់២៣,២៥ក្រាមនិងទូរស័ព្ទដៃចំនួន៥គ្រឿង,ម៉ូតូសង់ពណ៌ខ្មៅចំនួន១គ្រឿង,ជញ្ជីងថ្លឹងសារធាតុញៀន១គ្រឿង ព្រមទាំងឧបករណ៍កែច្នៃជក់មួយចំនួនធំផងដែរ រួចកម្លាំងជំនាញបាននាំជនសង្ស័យនិងវត្ថុតាងយកមកកាន់ការិយាល័យប្រឆាំងគ្រឿងញៀនខេត្តដើម្បីសួរនាំបន្ត។បច្ចុប្បន្នកំលាំងជំនាញនៃការិយាល័យប្រឆាំងបទល្មើសគ្រឿងញៀនខេត្តបញ្ជូនជនសង្ស័យទាំង៤នាក់ និង វត្ថុតាងទាំងអស់ទៅតុលាការនៅព្រឹកថ្ងៃទី១០ខែវិច្ឆិកាឆ្នាំ២០១៤ ដើម្បីផ្តន្ទាទោសតាមផ្លូវច្បាប់៕ដោយគឿនវ៉េត
