កំពង់ធំ ៖ ប្រជាពលរដ្ឋ ចំនួន៥ភូមិ បានផ្ទុះកំហឹង តវ៉ានិងការប្រើអំណាច ផ្តាច់ការរំលោភយកដីផ្លូវមកធ្វើ ជាកម្មសិទ្ធិ របស់លោក អ៊ុក វន ដែលជាអ្នកមាន ឈ្មោះល្បីនៅក្នុងស្រុកបារាយណ៍ បានធ្វើឲ្យប្រជាពលរដ្ឋ ក្តៅក្រហាយ ដែលកន្លងធ្លាប់បាន រត់ទៅពឹងពាក់ អាជ្ញាធរ ឲ្យជួយដោះស្រាយ តែពុំត្រូវបានដោះស្រាយជូនពួកគាត់ទេ។
ពាក់ព័ន្ឋទៅនឹងការចោទប្រកាន់ថា បញ្ហាឃុបឃិតគ្នា លួចទ្រព្យរបស់ប្រជាពលរដ្ឋ ដែលជាសម្បត្តិជាតិ ត្រូវ បានគេដឹងថា មានការឃុបឃិតគ្នា រវាងអាជ្ញាធរ ឃុំ និងអាជ្ញាធរស្រុក ដែលធ្វើជាឳពុកម្តាយគេ បែរជា ឃុប ឃិតបណ្តែតបណ្តោយ ឲ្យមានការលក់ទិញដោយមិនស្របច្បាប់ ដែលត្រូវបាន ឈ្មួញបិទចំនួន ២ កន្លែង ទី១ នៅផ្លូវរពាក់ពេនទី ២នៅផ្លូវកុកឈូក ផ្លូវទាំងពីចំនុចនេះ ត្រូវបានប្រជាពលរដ្ឋ អះអាងថា ជាផ្លូវរទេះ ដែលពួកគាត់ធ្លាប់ ដើរ ធ្លាប់ឆ្លងកាត ជាច្រើសម័យមកហើយ តែមកដល់ពេលនេះ ទើបពួកគាត់មានការ ងឿងឆ្ងល់ថា ហេតុដូចម្តេចបានជា អាជ្ញាធរមិនព្រមដោះស្រាយ ខណៈពេលដែលបានឃើញ មានការ រំលោភយកដីផ្លូវដែលជាទ្រព្យសម្បត្តិរបស់ ប្រជាពលរដ្ឋ ទាំងអស់ ៥ភូមិ ក្នុងនោះមានភូមិ ទន្លេវ័រ ភូមិ គីរីអណ្តែត ភូមិ នាងល្អ ភូមិ ព្រៃវែង និងភូមិព្រិច ។
លោក គាំ តាក់ មេឃុំទ្រាល បានឲ្យដឹងថា បញ្ហាការរំលោភយកដីនេះ សុំសំណូមពរ ឲ្យទាន់ឲ្យមានការ ចាក់ផ្សាយតាមទូរទស្សន៍ និងកាសែត អី រងចាំ៣ថ្ងៃទៀត ដើម្បីឲ្យប្រជាពលរដ្ឋ និងភាគីម្ខាងទៀត ដោះស្រាយ ចំណែកលោក អ៊ុក វុន ក៏មិនបានចូលមកដោះស្រាយ នោះទេ ។ លោក អ៊ុក វុន ប្រពន្ឋឈ្មោះ អុំ សុជា ជាម្ចាស់អាហារដ្ឋាន អ៊ិចប្រេស រស់នៅភូមិ សាលាឃុំ ឃុំទ្រាល ស្រុកបារាយណ៍ ខេត្តកំពង់ធំ
ប្រជាពលរដ្ឋ ចំនួន ១៤៩ គ្រួសារ បានតវ៉ា ពីការបិទផ្លូវ របស់លោក អ៊ុក វុន ប្រជាពលរដ្ឋ អះអាងថា ជាផ្លូវដែលមាន មកយូរណាស់ មកហើយ លុះមកដល់សម័យតេជោ ប្រជាពលរដ្ឋ បានសំណូមពរ ឲ្យមូលនិធិឃុំ ជួយសាងសង់ ផ្លូវរទេះនេះជាផ្លូវលំ ដើម្បីឲ្យប្រជាពលរដ្ឋ ចំនួន៥ ភូមិ ដែលប្រើប្រាស់ផ្លូវនេះ ដែលមានប្រវែង ៣៥០០ម៉ែត្រ ដែល បានតភ្ជាប់ពីផ្លូវ ដែល ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានអភិវឌ្ឍន៍ ខណៈនេះ ផ្លូវមួយខ្សែរនេះ ត្រូវលោក អ៊ុក វុន ចាក់គ្រិះស៊ីម៉ងត៍ បិទផ្លូវដើម្បីសាងសង់ផ្ទះរបស់ខ្លួន យ៉ាងរំភើយ ។
លោក អ៊ុក វុន និងលោក ស្រី អុំ សុជា បានគេចខ្លួន ពុំឲ្យនៅឲ្យអ្នកយកពត៌មានយើងសុំ ការបំភ្លឺនោះទេ លោក ហាក់ ម៉ុងហួត អភិបាលស្រុកបារាយណ៍ បានផ្តល់បទសម្ភាសថា តាមការធ្វើការទំនាក់ទំនង គឺពិត ជាពុំមានការបិទផ្លូវនោះទេ គឺមិនអាចឲ្យមានការបិទផ្លូវជាដាច់ខាត ព្រោះផ្លូវនេះជាផ្លូវរទេះតាំងពីដើមឡើយ មកម្លេះ តែការសាងសង់ផ្លូវលំនេះ ប្រជាពលរដ្ឋបានសំណូមពរ ឲ្យផ្លូវកាន់តែធំ វានឹងប៉ះពាល់ដល់ដីគេ ដូច្នេះគឺត្រូវបានចរចារជាមួយម្ចាស់ដីគេ ។ 
