សៀមរាប : បើទោះបីជាស្ថានភាពនៃការ ការពារថែរក្សាសន្តិសុខ សុខវត្ថិភាព និងសណ្តាប់សង្គមនៅក្នុងខេត្តសៀមរាបដែលជាតំបន់ទេសចរណ៍ប្រកបដោយសុវត្ថិភាពល្អយ៉ាងណាក៏ដោយក៏ថ្នាក់ដឹកនាំគ្រប់លំដាប់ថ្នាក់ពិសេសគឺកងកម្លាំងប្រដាប់អាវុធនៅក្នុងខេត្តសៀមរាបក៏មិនដែលព្រងើយកន្តើយក្នុងការបំពេញនូវតួនាទីភារះកិច្ចស្នូលរបស់ខ្លួនឡើយ។ដោយឡែកចំពោះការអនុវត្តនូវគោលនយោបាយភូមិឃុំមានសុវត្ថិភាពវិញនោះនគរបាលជំនាញដែលពាក់ព័ន្ធចំណុះស្នងការដ្ឋានគរបាលខេត្តសៀមរាបដោយអនុវត្តតាមបទបញ្ជា ឯ.ឩ ឃឹម ប៊ុនសុង អភិបាលខេត្តសៀមរាបនិងជាប្រធានគណះបញ្ជាការឯកភាពខេត្តក៏ដូចជាក្រោមការយកចិត្តទុកដាក់ខ្ពស់ជាប្រចាំពីសំណាក់លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាបផងនោះ។
នៅព្រឹកថ្ងៃអាទិត្យទី០៩ខែមីនាឆ្នាំ២០១៤នេះនៅសាលាសង្កាត់ស្លក្រាមក្រុងសៀមរាបបានប្រារព្វធ្វើពិធីបើកវេទិការសាធារណះស្តីពីការអនុវត្តគោលនយោបាយភូមិឃុំមានសុវត្ថិភាពដែលមានលក្ខណះសម្បត្តិទាំង៩យ៉ាងក្រោមវត្តមានលោក ស៊ូ ប្លាតុង អភិបាលរងក្រុងសៀមរាប លោកវរសេនីយ៍ត្រី ទិត្យ ណារ៉ុងអធិការនគរបាលក្រុងសៀមរាប លោកចៅសង្កាត់ និងមានការចូលរួមពីសំណាក់ក្រុមការងារនគរបាលជំនាញពាក់ព័ន្ឋក្នុងការ អនុវត្តគោលនយោបាយភូមិឃុំមានសុវត្ថិភាពដែលអញ្ជើញមកពីស្នងការដ្ឋាននគរបាលខេត្តសៀមរាបនិង អស់លោក លោកស្រី តំណាងមន្ទីរអង្គភាពស្ថាប័នពាក់ព័ន្ធនិងអាជា្ញធរមូលដ្ឋាន ជាច្រើនទៀតបានចូលរួមផងដែរ។ បន្ទាប់ពីលោកចៅសង្កាត់ស្លក្រាមនិងលោក ស៊ូ ប្លាតុង អភិបាលរងក្រុងសៀមរាបបានឡើងមានមតិស្វាគមន៍និងប្រកាសបើកអង្គវេទិការសាធារណះស្តីពីការអនុវត្តគោលនយោបាយភូមិឃុំមានសុវត្ថិភាពដែលមានលក្ខណះសម្បត្តិទាំង៩យ៉ាងរួចមក ។
លោកវរសេនីយ៍ត្រី ទិត្យ ណារ៉ុង អធិការនគរបាលក្រុងសៀមរាប បានឡើងធ្វើការផ្សព្វផ្សាយនិងធ្វើការបកស្រាយបន្ថែមនូវលក្ខណះសម្បត្តិទាំង៩យ៉ាងរបស់ភូមិឃុំមានសុវត្ថិភាពជូនដល់បងប្អូនប្រជាពលរដ្ឋនៅក្នុងអង្គពិធីប្រកបដោយភាពយល់ស៊ីជំរៅគ្រប់រូបភាព។ដោយ លោកវរសេនីយ៍ត្រី ទិត្យ ណារ៉ុងបានលើកយកនូវមួយចំណុះម្តងៗមកធ្វើការផ្សព្វផ្សាយនិងធ្វើការបកស្រាយដើម្បីឲ្យបងប្អូនទាំងអស់បានយល់ដឹងកាន់តែច្បាស់ដើម្បីយើងរួមគ្នាពិភាក្សារកគន្លឹះល្អៗយកទៅអនុវត្តបន្តក្នុងការបង្ការទប់ស្កាត់និងធ្វើការបង្ក្រាបឲ្យបានទាន់ពេលវេលានៅរាល់បទល្មើសដើម្បីយើងធានាបាននូវការកាត់បន្ថយបទល្មើសគ្រប់ប្រភេទដែលនៅសេសសល់បន្តិបន្តួចអោយអស់ពីភូមិឃុំរបស់យើងផងដែរ។
ក្នុងនោះដែរ លោកវរសេនីយ៍ត្រី ទិត្យ ណារ៉ុង អធិការនគរបាលក្រុងសៀមរាបនិង លោក ស៊ូ ប្លាតុង អភិបាលរងក្រុងសៀមរាបបានមានប្រសាសន៍បញ្ជាក់ថាគោលបំណងដែលសមត្ថកិច្ចនិងអាជ្ញាធរមានសមត្ថកិច្ចគ្រប់លំដាប់ថ្នាក់ដែលពាក់ព័ន្ឋក្នុងការ អនុវត្តគោលនយោបាយភូមិឃុំមានសុវត្ថិភាពបានរៀបចំធ្វើពិធីនេះឡើងគឺដើម្បីប្រមូលព័ត៍មាននិងចង់ដឹងពីអំស្ថានភាពទូទៅដែលនៅមានការខ្វះខាតក្នុងមូល ដ្ឋានចំពោះការ អនុវត្តគោលនយោបាយភូមិឃុំមានសុវត្ថិភាពនេះ។
ដោយសមាសភាពគណះអធិបតីទាំងអស់ក៏បានធ្វើការសំណូមពរដល់បងប្អូនទាំងអស់ត្រូវតែមានចិត្តក្លាហានក្នុងការជួយផ្តល់ ព័ត៍មានមកដល់សមត្ថកិច្ចនិងអាជ្ញាធរមានសមត្ថកិច្ចគ្រប់លំដាប់ថ្នាក់នៅពេលដែលបានឃើញឫក៏មានការសង្ស័យនូវករណីទាំង៩ ចំណុចក្នុងការអនុវត្តគោនយោបាយភូមិឃុំមានសុវត្ថិភាពនេះត្រូវប្រញាប់ ទំនាក់ទំនងមកដល់សមត្ថកិច្ចនិងអាជ្ញាធរមានសមត្ថកិច្ចដែលអាចធ្វើទៅបានឲ្យបានទាន់ពេលវេលាដើម្បីជាភាពងាយស្រួលដល់សមត្ថកិច្ចជំនាញចុះប្រតិបត្តិការណ៍ធ្វើការបង្ក្រាបឲ្យបានឆាប់រហ័សផងដែរ។
បន្តមកគណ:អធិបតីក៏បានធ្វើការប្រគល់ជូននៅអត្តសញ្ញាណប័ណ្ណសញ្ជាតិខ្មែរជូនដល់បងប្អូនប្រជាពលរដ្ឋចំនួន១៣៤១នាក់ផងដែរដោយគណ:អធិបតីទាំងអស់ក៏បានធ្វើការផ្តាំផ្ញើរដល់បងប្អូនទាំងអស់បន្ទាប់ពីទទួលបាននៅអត្តសញ្ញាណប័ណ្ណនេះហើយត្រូវយកទៅប្រើប្រាស់ឲ្យបានល្អកុំឲ្យមានការខូចខាតឫក៏បាត់បង់ព្រោះអត្តសញ្ញាណប័ណ្ណនេះវាមានតំម្លៃណាស់សម្រាប់បងប្អូនយកទៅប្រើការក្នុងករណីចាំបាច់ផងដែរ៕
ដោយ លោក ខេង ខេមរា
