ក្រុមអ្នកតវ៉ានៅក្នុងទីក្រុងម៉ិចស៊ីកូ បានបន្តរធ្វើការប្រមូលផ្តុំគ្នាកើនដល់រាប់ពាន់នាក់ហើយ ក្នុងគោលបំណងទាមទារអោយអាជ្ញាធរធ្វើចំណាត់ការជាបន្ទាន់ក្នុងការស្វែងរក ក្រុមនិស្សិត និង ជាសិក្ខាកាមគ្រូបង្រៀនប្រមាណ ៤៣ នាក់ ដែលបានបាត់ខ្លូនជាងពីរខែមកហើយ បន្ទាប់ពីពួកគេបាន
ប៉ះទង្គិចគ្នាជាមួយក្រុមប៉ូលីសនៅក្នុងការតវ៉ាមួយ។
ស្របពេលជាមួយគ្នានេះ ក្រុមអាជ្ញាធរបានដាក់ពង្រាយប៉ូលីសដើម្បីបំបែកហ្វូងបាតុករ ដែលជាឈានទៅដល់ការប៉ះទង្គិចគ្នាដោយហឹង្សាជាច្រើនករណីផងដែរខណៈដែលក្រុមបាតុករណ៏បានធ្វើការដុតរូបតំណាងប្រធានាធិបតី Enrique Pena Nieto និង បានប្រកាសទាមទារអោយមានការបើកបង្ហាញពីមូលហេតុ ផ្សេងៗពាក់ព័ន្ធទៅនឹងករណីបាត់ខ្លួន
ក្រុមនិស្សិតគ្រូទាំង ៤៣ នាក់ខាងលើនេះ។គួរបញ្ជាក់ផងដែរថា ប្រឈមមុខដាក់គ្នារវាងកងកំលាំងប៉ូលីស និង ក្រុមបាតុករទ្រង់ទ្រាយធំ បានកើតឡើងនៅក្បែរតំបន់អាកាសយាន្តដ្ឋានអន្តរជាតិ ក្រោយពេលដែលប្រធានាធិបតី Enrique Pena Nieto បានធ្វើការសន្យាថានឹងធ្វើការចាប់ខ្លួនជនពាក់ព័ន្ធទាំងអស់ ៕
