កំពង់ស្ពឺ=មានមតិលើកឡើងផ្ទុយគ្នាជាច្រើនទាក់ទងនិងបរិស្ថាននៅតាមបណ្តោយផ្លូវជាតិលេខ៤ជាពិសេសនៅតាមចំណុចមុខរោងចក្រតាមប្រឡាយរណបអមសងខាងផ្លូវ ។ដោយពលរដ្ឋខ្លះបានចោទទៅលើអាជ្ញាភូមិឃុំនិងស្រុករីមួយចំ ណែកទៀតបានទម្លាក់កំហុសទៅដល់មន្ទីរបរិស្ថានដែលជាសាម៉ីក្នុងកិច្ចការងារគ្រប់គ្រងទៅលើរោងចក្រផងដែរ ចំណែកពលរដ្ឋខ្លះបាននិយាយថាអ្នកថែទាំផ្លូវ ក៏មានសិទ្ធិក្នុងការងារគ្រប់គ្រងសំរាមដែរ ។
ពលរដ្ឋបានរិះគន់យ៉ាងខ្លាំងចំពោះបរិស្ថាននៅតាមបណ្តោយផ្លូវជាតិលេខ៤ត្រង់ចំណុចមុខរោងចក្រដែលមានថង់ផ្លាស្ទិចដែលក្រុមកម្មករបានខ្ចប់ចំណីអាហារហើយបានបោះចោលតាមចញ្ចើមផ្លូវរាប់លានថង់ដែលគ្មានអង្គភាពណាអើពើមើលនិងទិដ្ឋភាពនេះសោះ ។
ប្រភពបាននិយាយដោយឡើងតាមរូបភាពថា នៅពេលមានខ្យល់បក់បោកខ្លាំងថង់ផ្លាស្ទិចទាំងនោះបានហើរឡើងលើចូលភ្នែកច្រមុះស្ទើបើកភ្នែកមិនរួចនិង បានគួចចូលផ្ទះពេលខ្លះកំពង់ដាំស្លត្រូវថង់គួចចូលក៏មាន ។
ពួកគាត់បន្តថាសំរាមពេលនេះបានហូចូលតាមប្រឡាយរណបរបស់ផ្លូវជាតិដែលបានជះខ្លិនស្អុយសាយភាយដល់ផ្ទះពលរដ្ឋដែលរស់នៅជិតៗនោះថែមធ្វើឲ្យប៉ះពាល់ដល់សុខភាពទាំងអ្នកធ្វើដំណើរថែមទៀតខណះដែលលូបង្ហូរទឹកជាច្រើនត្រូវរោងចក្ររំលោភបិទជាច្រើនកន្លែង ។
តាមការអង្កេតជាក់សំរាមដែលមានថង់ផ្លាស្ទិចភាគច្រើនបណ្តាលមកពីក្រុមកម្មករតាមរោងចក្របោះចោលតាមទីសាធារណះនៅមុខរោងចក្រនៅពេលពួកគាត់ចេញពីធ្វើការពេលថ្ងៃត្រង់ដែលថងទាំងនោះសម្រាប់វិចខ្ចប់ចំណីអាហារ នៅ ពេលហូបរួចរាល់មិនមានកន្លែងដាក់ខណះរោងចក្រគ្មានធុងសំរាមផងគឺបោះតាមផ្លូវតែម្តង ។
ទាក់ទងនិងរឿងសំរាមអ្នកយកពត៏មានបានទាក់ទងទៅកាន់លោក ហេង គួន ប្រធានមន្ទីរបរិស្ថានខេត្តតែទូរសព្ទ័លោកមិនអាចទំនាក់ទំនងបាន នៅឡើយ ទេនៅរសៀលនេះ ។
យោងតាមការលើឡើងរបស់លោក ចឹក បូរិន អនុប្រធានមន្ទីរការងារខេត្តកំពង់ ស្ពឺបានឲ្យដឹងថាមកទល់និងពេលនេះរោងចក្រទាំងខ្នាតតូចនិងខ្នាតធំក្នុងខេត្តមានសរុបប្រម៉ាណ ៧០រោងចក្រ ចំណែកកម្មករកម្មការិនី សរុបមានជា ៧ម៉ឺននាក់ មកដល់ពេលនេះ ។
បើសិនដូចលោកអនុប្រធានមន្ទីរការងារលើឡើង ក្នុងមួយថ្ងៃគិតជាមធ្យោម ថង់ផ្លាស្ទិចវិខ្ចប់ក្នុងកម្មរម្នាក់២ថង់ដែលត្រូវបោះចោល មានប្រម៉ាណស្មើនិង ១ លានកន្លះ ដែលជាសំរាមមិនរលាយក្នុងដីដែលត្រូវគេមិនគិតគូរមកដល់និង ពេលនេះ ។ ដូចនេះអនាគតរបស់ខេត្តកំពង់ស្ពឺបើមិនបានគិតគូរដល់បរិស្ថានទេ គឺច្បាស់ជាក្លាយទៅជាទីតាំងស្តុបសំរាមសម្រាប់អ្នកវិនិយោគវិសយ័កាត់ដេរជាក់ជាមិនខាន ៕
