រថយន្តដឹកឈើល្មើសច្បាប់ ចំនួន៣គ្រឿងត្រូវបានកម្លាំងនគរបាលការិយា ល័យកណ្តាលប្រឆាំងបទល្មើស នៃស្នងការដ្ឋាននគរបាលខេត្ត មណ្ឌលគិរីបង្ក្រាបបានកាល ពីវេលាម៉ោង ៨ ព្រឹកថ្ងៃទី ៨ មិនា ស្ថិតនៅភូមិ ពូទ្រូលើ ឃុំសែនមនោរម្យ ស្រុកអូររាំង។
ប្រធានការិយាល័យកណ្តាលប្រឆាំងបទល្មើស លោកវរៈសេនីយ៍ទោ ជិន សុឃុន បានអោយដឹងថា ការបង្ក្រាបនេះធ្វើឡើងក្រោយ ទទួលបាន បទបញ្ជាពីលោក ឧត្តមសេនីយ៍ត្រី ញ៉ែម វាន់នី ស្នងការនគរបាលខេត្តមណ្ឌលគិរី ថា មានរថយន្តឡង់ គ្រិស័រដឹកឈើល្មើសច្បាប់៣ គ្រឿងនៅចំណុចឃុំសែនមនោរម្យ ស្រុកអូររាំង កម្លាំងរបស់លោកបានទៅដល់ ទិសដៅ និងធ្វើការបង្ក្រាបបានដោយជោគជ័យ។
លោកវរៈសេនីយ៍ទោ ជិន សុឃុន បានបញ្ជាក់ថា រថយន្តទាំង៣ នោះ ទី១ចង្កូតស្តាំព័ណសពាក់ស្លាកលេខ 2S ៩២៩៣ ផ្ទុកឈើចំនួន៨ដុំ ចំណែក ចង្កូតស្តាំពណ៏សំបកឳឡឹក ពាក់ស្លាកលេខ ភ្នំពេញ២C 9965ផ្ទុកឈើចំនួន ១១ ដុំ និង ព័ណទឹកប្រាក់ពាក់ស្លាកលេខ ភព.២សs9378 ផ្ទុកឈើ ១១ ដុំ សរុបទាំងអស់ ៣០ ដុំផងដែរ។
លោកឧត្តមសេនីយ៍ត្រី ញ៉ែម វ៉ាន់នី ស្នងការនគរបាលខេត្តបានមានប្រសាសន៍ឲ្យដឹងថាបច្ចុប្បន្ន វត្ថុតាងត្រូវបាន កំលាំងការិយាល័យជំនាញ បញ្ជូនយកមករក្សាទុក នៅ ស្នងការដ្ឋាននគរបាលខេត្តជាបណ្តោះអាសន្ន ដើម្បីសាវជ្រាវរកម្ចាស់រថយន្តកសាងសំណុំរឿងបញ្ជូនទៅជំនាញរដ្ឋបាលព្រៃឈើចាត់ការតាមនិតិវិធីច្បាប់៕
