បន្ទាយមានជ័យៈ ជាថ្មីម្តងទៀត ឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងារថ្នាក់ជាតិចុះជួយខេត្តបន្ទាយមានជ័យ បានអំពាវនាវដល់អាជ្ញាធរ សមត្ថកិច្ចគ្រប់ជាន់ថ្នាក់ កុំយកលុយលើសេវាសាធារណៈលើសពីច្បាប់កំណត់ ។ថ្លែងដូចនេះនៅក្នុងពិធីសំណះសំណាល ជាមួយប្រជាពលរដ្ឋនៅស្រុកភ្នំស្រុកកាលពីព្រឹកថ្ងៃទី១៧ មីនា ២០១៥ ។លោកឧបនាយករដ្ឋមន្ត្រីបានបន្ថែមទៀតថា ដោយអនុវត្តតាមកំណែទម្រងស៊ីជម្រៅរបស់រដ្ឋាភិបាល អាជ្ញាធរសមត្ថកិច្ច គ្រប់លំដាប់ថ្នាក់មិនមែនជា ចៅហ្វាយរបស់ពលរដ្ឋឡើយ គឺជាអ្នកបំរើរអោយប្រជាពលរដ្ឋ ដូច្នេះត្រូវយកអស់កំលាំងកាយចិត្ត គិតគូរដល់ពួកគាត់ និងអភិវឌ្ឍមូលដ្ឋានរបស់ខ្លួន អោយមានការរីកចម្រើនដោយមិនត្រូវយកកំរៃណាមួយពីប្រជាពលរដ្ឋ ដែលមកពឹងពាក់លើសពីច្បាប់កំណត់ឡើយ ។ ជាមួយគ្នានោះអាជ្ញាធរ មន្ទីរជំនាញក៏ត្រូវតែគិតគូរចំពោះប្រជាកសិករដែល
ពួកគាត់ធ្វើស្រែ ឬចម្ការមិនទទួលបានផលចំណេញ ត្រូវតែណែនាំអោយពួកគាត់ធ្វើការផ្លាស់ប្តូរទៅរកដំណាំណា ដែលអាចបង្ករបង្កើនផលបានហើយទទួលបានផលបំណេញច្រើន ។ ដោយសារតែស្រុកភ្នំស្រុកគឺជាស្រុកមួយ មានរមណីដ្ឋានប្រវត្តិសាស្ត្រ និងសម្បូរទៅដោយសត្វរាប់រយប្រភេទ អាចទាំក់ទាញភ្ញៀវទេសចរណ៍មកកំសាន្ត និងទៅជាទីតាំងទេសចរណ៍ធម្មជាតិពណ៌បៃតង ។
ជាមួយនិងការសំណះសំណាល់នេះឯកឧត្តមឧបនាយករដ្ឋមន្ត្រី កែ គឹមយ៉ាន និងលោកជំទាវក៏បាននាំយកអំណោយជា អង្ករ មី សារ៉ុង និងថវិការមួយចំនួនចែកជូនប្រជាពលរដ្ឋក្រីក្រ តាជី យាយជី លោកគ្រូអ្នកគ្រូ និងសិស្សានុសិស្សជាច្រើននាក់ ៕
