សៀមរាប : សន្និសីទពានរង្វាន់អក្សរសិល្ប៍ទន្លេមេគង្គលើកទី៥ដែលបានប្រារព្វធ្វើពិធីបើកនៅក្នុងសាលប្រជុំសណ្ឋាគាអង្គរប៉ារ៉ាឌីខេត្តសៀមរាបក្រោមអធិបតីភាព លោកជំទាវ ម៉ែន សំអន ឩបនាយករដ្ឋមន្ត្រី រដ្ឋមន្ត្រីទំនាក់ទំនងព្រឹទ្ធសភា រដ្ឋសភានិងអធិការកិច្ចតំណាងដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។
ដោយមានការចូលរួមពីសំណាក់ថ្នាក់ដឹកនាំនានានិងសមាជិក សមាជិកា ទាំងអស់របស់សមាគមន៍អ្នកនិពន្ធនៃប្រទេសទាំង៦ រួមមាន ប្រទេស កម្ពុជា វៀតណាម ឡាវ ថៃ មីយ៉ាន់ម៉ា និង ប្រទេសចិន ផងដែរ ។
បន្ទាប់ពី ឯ.ឩ ស៊ីម វណ្ណា ប្រធានសមាគមន៍អ្នកនិពន្ធខ្មែរមានប្រសាសន៍ស្វាគមន៍រួចមក មានប្រសាសន៍បើកអង្គសន្និសីទពានរង្វាន់អក្សរសិល្ប៍ទន្លេមេគង្គលើកទី៥នាឱកាសនោះ លោកជំទាវ ម៉ែន សំអន ឩបនាយករដ្ឋមន្ត្រី រដ្ឋមន្ត្រីទំនាក់ទំនងព្រឹទ្ធសភា រដ្ឋសភានិងអធិការកិច្ចតំណាងដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃ
ព្រះរាជាណាចក្រកម្ពុជាបានមានប្រសាសន៍ថា ប្រទេសកម្ពុជានាពេលបច្ចុប្បន្ននេះមានភាពរីកចម្រើនលើគ្រប់វិស័យជាជំហានៗអាស្រ័យទៅលើថ្នាក់ដឹកនាំប្រទេសប្រកបដោយគិតិបណ្ឌិតដ៏ខ្ពង់ខ្ពស់ ពីសំណាក់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាដែលសម្តេចតែងតែបានគិតគួនិងយកចិត្តទុកដាក់ខ្ពស់ក្នុងការដឹកនាំប្រទេសជាតិអោយឈានឆ្ពោះទៅរកភាពជោគជ័យលើគ្រប់វិស័យ ។
លោកជំទាវ ម៉ែន សំអន បានបន្តប្រសាសន៍ថា ក្នុងនាមសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលជាប្រធានកិត្តិយសដ៏ខ្ពង់ខ្ពស់របស់សមាគមន៍អ្នកនិពន្ធខ្មែរ លោកជំទាវ សូមសម្តែងនូវមនោសញ្ជេតនារីករាយ ចូលរួមអបអរសារទរចំពោះជោគជ័យ នៃកិច្ចសហប្រតិបត្តិការល្អជាប្រពៃណី រវាងអ្នកនិពន្ធនៃ
ប្រទេសជាតិទាំង ៦ ដែលបានជូយឩបត្ថមគ្នាទៅវិញទៅមកគ្រប់កាល:ទេស:ព្រមទាំងជោគជ័យថ្មី និង ការរីកចម្រើនរបស់អ្នកនិពន្ធនៃប្រទេសតាមដងទន្លេមេគង្គ ក្នុងការពង្រឹងគុណភាព ស្នាដៃនិពន្ធ និងការពង្រឹងមិត្តភាព ក៏ដូចជាសហប្រតិបត្តិការណ៍ រវាងគ្នានិងគ្នា ក្នុងឋាន:ជាប្រទេសរស់នៅតាមបណ្តោយ ទន្លេតែមួយ ដែលស្មារតីនេះឆ្លុះបញ្ចាំងឲ្យឃើញកាន់តែច្បាស់ថែមទៀតតាមរយះព្រឹត្តការណ៍សន្និសីទពានរង្វាន់អក្សរសិ ល្ប៍ទន្លេមេគង្គលើកទី៥នេះ ។
លោកជំទាវ ម៉ែន សំអន ឩបនាយករដ្ឋមន្ត្រី រដ្ឋមន្ត្រីទំនាក់ទំនងព្រឹទ្ធសភា រដ្ឋសភានិងអធិការកិច្ចតំណាងដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍បញ្ជាក់ថា អង្គសន្និសីទពានរង្វាន់អក្សរសិល្ប៍ទន្លេមេគង្គលើកទី៥ដែលបានប្រារព្វធ្វើនេះគឺបានបង្ហាញឲ្យឃើញយ៉ាងច្បាស់អំពីកិច្ចខិតខំ
ប្រឹងប្រែងពុះពារការលំបាកនានារបស់ថ្នាក់ដឹកនាំនិងសមាជិក សមាជិកា ទាំងអស់របស់សមាគមន៍អ្នកនិពន្ធនៃប្រទេសទាំង៦ ដែលមានប្រទេស កម្ពុជា វៀតណាម ឡាវ ថៃ មីយ៉ាន់ម៉ា និង ប្រទេសចិន ទាំង៦ប្រទេសនេះគឺដើម្បីបំពេញការងារលើកស្ទួយវិស័យអក្សរសាស្ត្រនិងវប្បធម៍ជាតិនៃប្រទេសក្នុងតំបន់ឲ្យកាន់តែមានភាពរីកចម្រើនថ្វេដងពិសេសសម្រាប់
ជ័យលាភីដែលមានស្នាដៃឆ្នើមក្នុងការនិពន្ធគឺជាការបង្ហាញឲ្យឃើញនូវការរីកចម្រើនថ្មីមួយទៀតក្នុងការអភិវឌ្ឍន៍ធនធានមនុស្សក្នុងវិស័យអក្សរសិល្ប៍នៃប្រទេសទាំង៦ជាការរួមចំណែកលើកកម្ពស់ស្ថានភាពវិជ្ជាជីវះនិងការចែករំលែកចំណេះដឹកផ្នែក វប្បធម៍ ទំនៀមទំលាប់ ប្រពៃណី ឲ្យកាន់តែមានលក្ខណះកាន់តែទូលំទូលាយ ៕ ដោយ លោក ខេង ខេមរា
