កំពង់ឆ្នាំង៖ ជនសង្ស័យចំនួន៣នាក់ ត្រូវបានកម្លាំងនគរបាលព្រហ្មទ័ណ្ឌកំរិតស្រាល នៃស្នងការដ្ឋាន នគរបាលខេត្តកសាងសំណុំរឿងបញ្ជូនទៅសាលាដំបូងខេត្តនៅព្រឹកថ្ងៃទី២១ ខែឧសភា ឆ្នាំ២០១៥ដោយ ចោទប្រកាន់ពីបទលួចម៉ូតូគេមួយគ្រឿងកាលពី ថ្ងៃទី០៧ ខែឧសភា ឆ្នាំ២០១៥ ដែលបានប្រព្រឹត្តឡើងនៅភូមិអ្នកតាហាង ឃុំអ្នកតាហាង ស្រុកកំពង់ត្រឡាច និងត្រូបាននគរបាលស្រុកកំពង់ត្រឡាចស្រាវជ្រា វជាង១០ថ្ងៃទើចាប់ខ្លួនបាន ។
លោក ទេព សារ៉ាត នាយការិយាល័យនគរបាលព្រហ្មទ័ណ្ឌកំរិតស្រាល នៃស្នងការដ្ឋាននគរបាលខេត្តបាន និយាយអោយដឹងថាៈ ជនសង្ស័យទាំង៣នាក់ ១,ឈ្មោះ ស៊ុន វិសាល អាយុ១៦ឆ្នាំ ២.ឈ្មោះ ពិន មានអាយុ ២០ឆ្នាំ និង៣.ឈ្មោះ សន បូរី អាយុ២០ឆ្នាំ ទាំង៣នាក់មានទីលំនៅ ភូមិធ្នង់ ឃុំអូរឬស្សី ស្រុកកំពង់ត្រឡាច ។
កាលពីវេលាម៉ោង ៩ព្រឹកថ្ងៃទី ០៧ខែ ឧសភា ឆ្នាំ២០១៥ ឈ្មោះ សុខសុផល អាយុ៤៥ឆ្នាំ មានទីលំនៅភូមិអ្នកតាហាង ឃុំអ្នកតាហាង ស្រុកកំពង់ត្រឡាច បានបាត់ម៉ូតូមួយគ្រឿងម៉ាក ហុងដា សេ១២៥ សេរី០១៣ មួយគ្រឿង ។ ក្រោយពេលបាត់ម៉ូតូម្ចាស់ម៉ូតូបានដាក់ពាក្យប្តឹងមន្ត្រីនគរបាលដើម្បីអោយជួយស្រាវជ្រាវរក ។ រហូតដល់យប់ថ្ងៃទី១៩ ខែឧសភា ឆ្នាំ២០១៥ ខណៈសមត្ថកិច្ចកំពុងប្រតិបត្តិការណ៏ត្រួតពិនិត្យអាវុធជាតិផ្ទុះពេលយប់ ក៏បានប្រទះឃើញជនសង្ស័យខាងលើកំពុងជិៈម៉ូតូមក ដោយមានការសង្ស័យបានសុំរកឯកសារម៉ូតូ តែជនសង្ស័យខាងលើគ្មាន ហើយបាននាំមកអធិការដ្ឋាននគរបាលស្រុកកំពង់ត្រឡាច។បន្ទាប់មកសមត្ថកិច្ចនគរបាលស្រុកក៏បានហៅម្ចាស់ម៉ូតូ ឈ្មោះ សុខ សុផល អោយយកកាតគ្រីម៉ូតូមកផ្ទៀងផ្ទាត់ ក៏ស្គាល់ច្បាស់និងត្រឹមត្រូវតាមកាតគ្រី ទោះថាម៉ូតូខាងត្រូវបានយកទៅផ្លាស់
ប្តូររូបរៀង និងប្តូកាំបន្ទះក្តី ទើបឈានដល់ការចាប់ឃាត់ខ្លួនតែម្តង ។
ចំពោះមុខសមត្ថកិច្ច ជនសង្ស័យបានឆ្លើយសារភាពថាៈ ខ្លួនពិតជាបានធ្វើសកម្មភាពលួចយកម៉ូតូរបស់គេពិតមែន ។ជនសង្ស័យទាំង៣នាក់ ត្រូវបានសមត្ថកិច្ចកសាងសំណុំរៀងតាមនិតិវិធីបញ្ជូនទៅតុលាការខេត្ត ចំណែកម៉ូតូសមត្ថកិច្ចបានប្រគល់អោយម្ចាស់ដើមវិញរួចហើយ ៕
