ខេត្តកំពង់ឆ្នាំង៖ឪពុកគួរអោយស្អប់ខ្ពើមម្នាក់ ត្រូវបានសមត្ថកិច្ចនគរបាលចាប់ឃាត់ខ្លួននៅល្ងាច ថ្ងៃទី១៣ ខែកក្កដា ឆ្នាំ២០១៥ បន្ទាប់ពីបានប្រព្រឹត្តអំពើចាប់រំលោភកូនស្រីបង្កើតរបស់ខ្លួនអាយុ១៣ឆ្នាំ បានសម្រេចខណៈដែលទៅនេសាទត្រីតែ២នាក់នៅក្នុងបឹងមួយកន្លែងក្នុង
ស្រុកស្រុក បរិបូរណ៌ ។
លោក ជាង សុវណ្ណារិទ្ឋ អធិការនគរបាលស្រុកបរិបូរណ៏ បាននិយាយតាមទូរសព្ទ័អោយដឹងថា ជនល្មើសជាឪពុករូបនោះមានឈ្មោះ យ៉ន វឿន អាយុ៣៣ឆ្នាំ មានទីលំនៅស្រុកបរិបូរណ៌ ។មុនពេលកើតហេតុ គឺនៅព្រឹកថ្ងៃទី ១២ ខែកក្កដា ឆ្នាំ២០១៥ បុរសជាឪពុកនិងកូនស្រី អាយុ ១៣ ឆ្នាំ បានទៅនេសាទត្រីតែ២នាក់ នៅចំណុចត្រពាំងទ្រា ស្ថិតក្នុងភូមិស្វាយគយ ឃុំពន្លៃ ស្រុកបរិបូរណ៌ ដោយអូសអួនខ្លី ប្រវែង៥ម៉ែត្រ ។បន្ទាប់ពីអូសអួនរួចហើយ រៀបចំត្រឡប់មកផ្ទះវិញ ស្រាប់តែ ឪពុករូបនោះ ប្រើវិធីចាប់រំលោកភកូនស្រីរបស់ខ្លួនរហូតបានសម្រចតែម្តង។ ក្រោយពីត្រឡប់មកផ្ទះវិញ កូនស្រីរងគ្រោះមិនហ៊ានប្រាប់ម្តាយភ្លាមៗទេ ព្រោះខ្លាចការគម្រាមសម្លាប់ចោលរបស់ឪពុក។ ប៉ុន្តែស្អែកឡើង គឺនៅព្រឹកថ្ងៃទី១៣ ខែកក្កដា ពេលដែលម្តាយឃើញកូនស្រីមានសភាពប្លែកខុសធម្មតា ទើបហៅកូនស្រីមកសាកសួរ ហើយត្រូវបានកូនស្រីប្រាប់ដំណើររឿងនិងសកម្មភាពរបស់ឪពុករំលោភរូបខ្លួននាង។ បន្ទាប់ស្តាប់រឿងរ៉ាវរបស់ប្តីកំហូចខុសគេបែបនេះមក ម្តាយក៏បានមកប្តឹងសមត្ថកិច្ចនគរបាលមូលដ្ឋាន ទើបឈានការចាប់ខ្លួនបុរសជាឪពុករូបនោះតែម្តង។
ចំពោះមុខសមត្ថកិច្ចនគរបាលស្រុកបរិបូរណ៌ បុរសជាឪពុកចិត្តពាលរូបនោះបានសារភាពថាៈ ខ្លួនពិតជាចាប់រំលោភកូនស្រីរបស់ខ្លួនពិតមែន ហើយត្រូវបានសមត្ថកិច្ចនគរបាលស្រុកបរិបូរណ៌កសាង សំណុំរឿងបញ្ជូនជនល្មើលរូបនោះ មកស្នងការដ្ឋាននគរបាលខេត្តនៅល្ងាចថ្ងៃទី១៣ ខែកក្កដា ឆ្នាំ២០១៥ ដើម្បីចាត់ការតាមនិតិវិធីច្បាប់ និងបញ្ជូនខ្លួនទៅកាន់តុលាការខេត្ត៕
