ខេត្តសៀមរាប នៅទីបញ្ជាការកងពលតូចថ្មើរជើងលេខ៤១ នាព្រឹកថ្ងៃទី០៩ ខែកុម្ភៈ ឆ្នាំ២០១៦ ! ឧត្តមសេនីយ៍ទោ ពៅ ហេង មេបញ្ជាការរង ជានាយសេនាធិការយោធភូមិភាគទី៤ បានលើកឡើងថា ៖ ចំណុចមួយចំនួន ជាយន្តការថ្មី ដែលអគ្គបញ្ជាការបានដាក់ជូន អង្គភាព ត្រូវលើកយកមកពិភាក្សា ដើម្បីយក មកអនុវត្តន៍ បន្តនៅឆ្នាំខាងមុខ ចំពោះ ចំណុចខ្លាំងនៃសកម្មភាពការ ងារ វាគឺជាបទពិសោធន៍ និងជាលទ្ធផល ដែលអង្គភាព ទទួលបានជោគជ័យ ! ត្រូវតែ លើកទឹកចិត្ត ជូនដល់ នាយទាហាន ពលទាហ៊ានទាំងអស់ នៃគ្រប់បណ្តាអង្គភាព វរៈសេនាតូចចំណុះដែលគោរពបទបញ្ជារបស់ មេបញ្ជាការកងពល ។
តាមសេចក្តីរាយការណ៍របស់ឧត្តមសេនីយ៍ត្រីស៊ិន ភាត់ មេបញ្ជាការតំបន់ប្រតិបត្តិការសឹងរងសៀមរាប បាន ឲ្យដឹងថា ៖ សកម្មភាពការងារឆ្នាំ២០១៥ កន្លងទៅនេះ អង្គភាពបានយកចិត្តទុកដាក់ អនុវត្តន៍កម្មវិធី នយោបាយ របស់រាជរដ្ឋាភិបាល និងតាមទិសដៅកំណែរទម្រង់ថ្មីរបស់ក្រសួងការពារជាតិ លើផ្នែកយុទ្ធសាស្ត្រ ការពារ ក្នុងដែនអធិបតេយ្យភាពរបស់ជាតិ ។ ហើយអ្វីដែលអង្គភាពឆ្លងកាត់ការងារយោធាឆ្នាំ២០១៥ កន្លងមក នេះ គឺកងពល មានស្មារតីទទួលខុសត្រូវខ្ពស់ ក្នុងការបំពេញភារកិច្ចមិនខ្លាចនឿយហត់ បើទោះបីជាស្ថានការណ៍ យោធា នៅខ្សែរ បន្ទាត់ព្រំដែនកម្ពុជា-ថៃមានសភាពស្ងប់ស្ងាត់ និងធូរស្រាល ទន្ទឹមនោះដែរ នៅតែ បន្តការប្រុងប្រយ័ត្ន គ្រប់ពេលវេលា រួមជាមួយការត្រៀមលក្ខណៈរួចជាស្រេច នូវកម្លាំង សំភារៈសឹក និងស្បៀងអាហារ រក្សាទុក ជាប់ជាប្រចាំ ។
ក្នុងឱកាសនោះ ឧត្តមសេនីយទោ ពៅ ហេង មេបញ្ជាការរង ជានាយសេនាធិការយោធភូមិភាគទី៤ បានបំពាក់នូវឋានន្តរសក្កិ និងប្រគល់លខិតសរសើរ ! ប័ណ្ណសសើរ ជូនដល់នាយទាហានឆ្នើមចំនួន ២៧៦ រូប ដែលបំពេញភារកិច្ច បានល្អប្រសើរនៅក្នុងអង្គភាព ដែលថ្នាក់លើបាន ប្រគល់ជួន ស្របតាមយុទ្ធសាស្ត្រថ្មី នៃផែនការកំណែរទម្រង់ របស់ក្រសួងការពារជាតិ ! គោរពបទបញ្ជា វិន័យថ្លៃថ្នូរ សីលធម៌ល្អ និងអនុវត្តបានតាមបទបញ្ជារបស់អគ្គបញ្ជាការ នៃកងយោធពលខេមរភូមិន្ទ ។
ឧត្តមសេនីយ៍ទោ ពៅ ហេង បានវាយតំលៃខ្ពស់ផងដែរ ចំពោះការខិតខំប្រឹងប្រែងរបស់នាយទាហាន និងពលទាហាន ដែលបានលះបង់អស់កម្លាំងកាយចិត្តទាំងយប់ទាំងថ្ងៃ ការពារបូរណភាពដែនដី នៃមាតុភូមិ នៅតាម ខ្សែរបន្ទាត់ព្រំដែនសមរភូមិមុខ ។ ឯកឧត្តមបានបង្ហាញនូវក្តីសង្ឃឹមយ៉ាងមុតមាំថា នៅក្នុងឆ្នាំ២០១៦នេះ បទពិសោធន៍ឆ្នាំចាស់ វាជាផែនទីចង្អុលផ្លូវ ហើយចំណុចអវិជ្ជមាន វានឹងប្រែក្លាយទៅ ជាយន្តការ ដ៏មាន ប្រសិទ្ធិភាពខ្ពស់ ដើម្បីលើកយកទៅអនុវត្តនៅតាមបណ្តាអង្គភាព ចំណុះរបស់ កងពល ប្រកបដោយជោគជ័យ ៕
