ដោយចាន់ ធី ខេត្តឧត្តរមានជ័យ = នៅវរៈសេនាតូច៤១៣ នារសៀលថ្ងៃទី១៤ ខែកុម្ភៈ ឆ្នាំ២០១៦ ឯកឧត្តមនាយឧត្តមសេនីយ៍ប្រាក់ សុខុន រដ្ឋមន្ត្រីក្រសួងប្រៃសណីយ៍ និងទូរគមនាគមន៍ ជាអនុប្រធានទី១ អាជ្ញាធរមីនកម្ពុជាបានដឹកនាំគណៈ ប្រ តិភូក្នុងក្រសួងរួមនឹងឯកឧត្តមអ្នកឧកញ៉ា ម៉ក់ គឹមហុង អគ្គនាយកក្រុមហ៊ុន សុភក្តិនីការ អ៊ិនវេសមេនគ្រុប ខូ.អិលធីឌី បានចុះសួរសុខទុកកងទ័ព ! គ្រួសារកងទ័ព និងសម្ភោធដាក់ឲ្យប្រើប្រាស់នូវផ្ទះហូបបាយ! និងសាលប្រជុំថ្នាក់ កងអនុសេនាធំ ! នៃកងពលតូចថ្មើរជើងលេខ៤១ ដែលកំពុងឈរជើងនៅសមរភូមិមុខ នៃយោធភូមិភាគទី៤ ព្រមទាំងមានការចូលរួមអមដំណើរដោយមន្ត្រីយោធាជាន់ខ្ពស់ជាច្រើនរូបទៀត ។
ឧត្តមសេនីយ៍ទោ នាង ឃីម មេបញ្ជាការកងពលតូចថ្មើរជើងលេខ៤១ បានសំដែងការស្វាគមន៍ ចំពោះថ្នាក់ដឹកនាំក្រសួងប្រៃសណីយ៍ទូរគមនាគមន៍ និងក្រុមហ៊ុន សុភក្តិនីការ អ៊ិនវេសមេនគ្រុប បានឆ្លៀតពេលវេលាដ៏មានតំលៃចុះមកសួរសុខទុក្ខដល់នាយទាហាន ពលទាហាន និងគ្រួសារកងទ័ព ជាពិសេសនោះសម្ភោធដាក់ឲ្យប្រើប្រាស់ នូវផ្ទះ ហូបបាយ! និងសាលប្រជុំថ្នាក់ កងអនុសេនាធំ ! គ្រប់បណ្តាអង្គភាព វរសេនាតូច ចំណុះឲ្យកងពលដែលស្តែងពីការយកចិត្តទុកដាក់ពីសមរភូមិក្រោយ ចំពោះសមភូមិមុខ។
ឯកឧត្តមមេបញ្ជាការបានលើកឡើងថា ៖ បច្ចុប្បន្ននៅតាមបណ្តោបន្ទាត់ព្រំដែនកម្ពុជា-ថៃ មានសភាពស្ងប់ស្ងាត់ និងធូស្រាលពុំមានអ្វីគួរឲ្យកត់សំគាល់នោះឡើយ។ ម្យ៉ាងវិញទៀត ក្រសួងការពារជាតិ ក៍ដូចជា ប្រមុខរាជរដ្ឋាភិបាលនៃប្រទេសកម្ពុជា បានជំរុញឲ្យបង្កើនការទំនាក់ទំនងកិច្ចសហប្រតិបត្តិការរួមគ្នា ក្នុងនាមជាប្រទេសជិតខាង បានប្រែក្លាយតំបន់ព្រំដែនឲ្យទៅជាតំបន់មានសន្តិភាព ! មិត្តភាព ! សហប្រតិបត្តិការ និងការអភិវឌ្ឍន៍។ ទោះបីជាស្ថានភាពនយោបាយកំពុងល្អប្រសើរក៍ពិតមែន ! កងទ័ពរបស់យើងពុំដែលធ្វេសប្រហែសឡើយ កងទ័ពបានត្រៀមនូវកម្លាំង ស្បៀងអាហារ បរិក្ខាសឹក នៅពេលមានយក្យថាហេតុណាមួយកើតឡើង ដើម្បីអន្តរាគមន៍ ទាន់ពេលវេលាក្នុងភារកិច្ចការពារទឹកដីឲ្យបានរឹងមាំ។
ឯកឧត្តម ប្រាក់ សុខុនមានប្រសាសន៍ពាំនាំនូវការផ្តាំផ្ញើរសាកសួរសុខទុក្ខពីសំណាក់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត និងពីសមរភូមិក្រោយ ជូនដល់កងទ័ពយើងដែលឈរ ជើងនៅសមរភូមិមុខ និងគ្រួសារកងទ័ព ផងដែរ ។ ចំពោះក្តីនឹករលឹកនេះសម្តេចទាំងពីរក៏បានបញ្ជូនអាវរងាវ និងអាវភ្លៀងគ្រប់រដូវ ដល់កងទ័ពនៅជួរមុខជាប្រចាំ ទាំងនេះហើយបានធ្វើឲ្យកងទ័ពរក្សាបានសុខភាពល្អ ហើយរឹងមាំ ក្នុងការបំពេញភារកិច្ចល្អប្រសើរ។ ជាងនេះទៅទៀតសម្តេចតេជោ តំឡើងប្រាក់ខែ និងឧបត្ថម្ភប្រាក់ហូបបន្ថែមប្រចាំថ្ងៃ ដែលធ្វើឲ្យកងទ័ពទទួលបានប្រាក់បៀរវត្សន៍សមរម្យ និងមានជីវភាពធូធារកើនឡើងមួយកំរិតទៀត។ មិនតែប៉ុណ្ណោះសម្តេចតេជោ ក៏បានជម្រុញដល់គ្រប់ស្ថាប័ននានា នៅសមរភូមិក្រោយ ផ្សារភ្ជាប់សម្ព័ន្ធមេត្រីភាពកិច្ចសហប្រតិបត្តិការ ជាមួយកងទ័ពសមរភូមិមុខ ទើបអង្គភាពយោធាមានការរីកចំរើនបានឆាប់រហ័ស ហើយបានធ្វើឲ្យការទំនាក់ទំនងគ្នាមានភាពស្អិតរមួតរវាងសមរភូមិទាំងពីរផងដែរ ។
ឯកឧត្តមរដ្ឋមន្ត្រីក៏បានកោតសសើរ ចំពោះវីរភាពដ៏អង់អាចក្លាហានរបស់នាយទាហាន ពលទាហាន ដែលបានហ៊ានលះបង់ពាក់លីជីវិត តស៊ូប្រយុទ្ធដេញសត្រូវដែលឈ្លានពានទឹកដី នៃប្រទេសកម្ពុជាក្នុងកិច្ចការពារជាតិមាតុភូមិ កម្ពុជាឲ្យបានគង់វង្ស ស្ថិតស្ថេរជារៀងរហូត ។
ក្នុងឱកាសសំណេះសំណាលនោះ គណៈប្រតិភូបានពាំនាំអំណោយចែកជូនដល់យោធិនក្នុងកងពលតូចថ្មើរជើងលេខ៤១ រួមមាន អង្ករ ០៤តោន មីខ្លាឃ្មុំ៧០០កេះ ត្រីខ ៤០កេះ ប្រេងឆា១០០០ដប ទឹកស៊ីអ៊ីវ និងទឹកត្រី ៥០០យួរ សង្ក័សី ២៥០០សន្លឹក និងឧបត្ថម្ភថវិការដល់គ្រួសារកងទ័ពចំនួន ៤៨២ គ្រួសារ ក្នុងមួយគ្រួសារទទួលបានថវិការ ១២ ម៉ឺនរៀល ៕
