កំពង់ធំៈ ក្មេងទំនើងបង្ករហឹង្សាម្នាក់ ត្រូវបានជាប់ខ្នោះសមត្ថកិច្ច ខណៈពេលដែលបាន យកកាំបិទចុងស្រួច ទៅចាក់លើបុរសម្នាក់ បណ្តាលឲ្យរងរបួស នៅក្នុងបរិវេណវិទ្យាល័យតាំងក្រសាំង ស្ថិតនៅក្នុងភូមិ ធម្មនាទ ឃុំ តាំងក្រសាំង ស្រុកសន្ទុក ខេត្តកំពង់ធំ នៅថ្ងៃទី ២៧ ខែកុម្ភះ ឆ្នាំ ២០១៦ ។
យុវជនឈាវរាវម្នាក់ត្រូវបានគេស្គាល់ឈ្មោះ សុខ សត្យា ហៅអាវ៉ា ភេទ ប្រុស អាយុ ១៦ឆ្នាំ ដែលត្រូវបាន គេស្គាល់ថាជាក្មេងទំនើង រស់នៅភូមិ សំពុង ឃុំ ប្រាសាទ ស្រុកសន្ទុក ខេត្តកំពង់ធំ បច្ចុប្បន្នមានស្ថានភាពជាសិស្ស ត្រូវបានសមត្ថកិច្ចឃាត់ខ្លួន ដោយសារតែ បានប្រើអំពើហឹង្សា ដោយយកអាវុធជាកាំបិតចុងស្រួច ទៅចាក់សិស្សម្នាក់ ចំភ្លៅខាងស្តាំ បណ្តាលឲ្យ
រងរបួស ដោយសារតែការទាស់ពាក្យសំដីគ្នា។
ជនរងគ្រោះត្រូវបានគេស្គាល់ឈ្មោះ មួន ចាន់ធី ភេទ ប្រុស អាយុ ១៦ឆ្នាំ ជាសិស្ស រស់នៅភូមិទួលវិហារ ឃុំ ជ្រាប់ ស្រុកសន្ទុក ខេត្តកំពង់ធំ បន្ទាប់ពីមានហេតុការណ៍ កើតឡើង ជនរងគ្រោះត្រូវបានសាច់ញាតិ ដឹកយកមកសង្គ្រោះនៅក្លីនិកឯកជន ចំណែកជនសង្ស័យត្រូវបានសមត្ថកិច្ចនាំមកសាកសួរនៅ អធិការនគរបាល ស្រុកសន្ទុក ដើម្បីកសាងសំណុំរឿងតាមនិតិវិធី។
ក្នុងនោះដែរក៏មានការសំណូមពរ ពីសំណាក់ប្រជាពលរដ្ឋផងដែរ សុំឲ្យសមត្ថកិច្ចពង្រឹងសន្តិសុខក្នុងភូមិ ឃុំ ឲ្យបានល្អជាងនេះ ដោយសារតែមានក្មេងទំនើងជាច្រើនក្រុម តែងតែបង្ករអុកឡុក កាប់ចាក់គ្នា ដេញកាប់គ្នា ដូចចិនហុងកុង ដោយមិនដឹងថាកូនចៅរបស់អ្នកណា មិនចេះគោរពចាស់ទុំ ព្រហឺនឲ្យតែមានបុណ្យទាន រាំវង់ ល្ខោន អីក្រុមទាំងនេះដឹងតែមានរឿងវាយគ្នា និងកាប់ចាក់គ្នានៅក្នុងស្រុកសន្ទុកនេះ ពួកគាត់បាននិយាយថា អាពួកនេះសុទ្ធតែអាពួកស្តាយពូជអ្នកចម្បាំងតើ បានជាវាមិនចេះខ្លាចអីសោះ ស្តាយណាស់ ក្មេងទាំងនេះកើតមិនទាន់ប្រទេសជាតិមានសង្គ្រាម ។
ដោយ ប៊ុន រដ្ឋា
