ភ្នំពេញ ៖ រ៉ឺម៉កម៉ូតូមួយគ្រឿង បានបើកតាមបណ្តោយផ្លូវលេខ១៨២ ក្នុងទិសដៅពីកើតទៅលិច ក្នុងល្បឿនលឿនហើយបានបើកវ៉ារថយន្ត២គ្រឿងទៀតក៏បានជ្រុលទៅបុកជាមួយរថយន្តមួយគ្រឿងម៉ាកខេនធ័រ ពណ៌ទឹកក្រូច ពាក់ស្លាកលេខភ្នំពេញ3A-4422 បើកតាមផ្លូវ១៨២ ក្នុងទិសដៅពីលិចទៅកើតបញ្ច្រាសទិសគ្នា បណ្តាលឱ្យរ៉ឺម៉កម៉ូតូក្រឡាប់ ប៉ុន្តែសំណាងល្អអ្នកបើកបរគ្រាន់តែ រងរបួសស្រាល។ ហេតុការណ៍នេះកើតឡើងកាលពីវេលាម៉ោង៩និង៣៥នាទីយប់ថ្ងៃទី២ខែមិថុនាឆ្នាំ២០១៤ នៅត្រង់ចំណុច
មុខផ្ទះប៊ុនគាងលក់គ្រឿងបន្លាសម៉ូតូគ្រប់ប្រភេទ តាមបណ្តោយផ្លូវលេខ១៨២ ស្ថិតនៅក្នុងសង្កាត់ទឹកល្អក់៣ ខណ្ឌទួលគោក។ ក្រោយពេលកើតហេតុភាគីទាំងពីរបានធ្វើការចរចារគ្នានៅមុខសមត្ថកិច្ចផងដែរដោយភាគី ម្ចាស់រ៉ឺម៉កសងថ្លៃខូចខាតដល់ម្ចាស់រថយន្តចំនួន២០០ដុល្លារដើម្បីបញ្ចប់រឿង៕
