ភ្នំពេញ៖ បុរសម្នាក់បានរងរបួសស្រាលខណៈដែលកំពុងជិះម៉ូតូមួយគ្រឿងម៉ាកហុងដា today ពណ៌ទឹកប្រាក់ អត់ស្លាកលេខ ធ្វើដំណើរតាមបណ្ដោយផ្លូវព្រះមុនីវង្ស ទិសដៅពីជើងទៅត្បូង ហើយមានរថយន្តមួយគ្រឿងមិនចាំម៉ាកបានបើកមកស្របគ្នាពីក្រោយបានបើកគៀម៉ូតូជនរងគ្រឿង បណ្ដាលអោយដួលបោកផ្ទប់និងថ្នល់សន្លប់ជិត១០នាទី ហើយរថយន្តបង្កបន្ទាប់ពី
បង្កហេតុ ក៏បានបន្ថែមល្បឿនបើកគេចខ្លួនបាត់ស្រមោល ដែលហេតុការណ៍នេះបានកើតឡើងកាលពីវេលា ម៉ោង២និង៤០នាទីរំលងអាធ្រាត្រឈានចូលថ្ងៃទី៣ខែមិថុនាឆ្នាំ២០១៤ ត្រង់ចំណុចក្បែរ សាកលវិទ្យល័យភូមិន្ទនីតិសាស្ត្រនិងវិទ្យាសាស្ត្រសេដ្ឋកិច្ច (សាលាច្បាប់) ស្ថិតក្នុង សង្កាត់បឹងត្របែក ខណ្ឌចំការមន។
បន្ទាប់ពីកើតហេតុសមត្ថកិច្ចមូលដ្ឋានបានចុះមកអន្តរាគមន៍ដល់កន្លែងកើតហេតុ ឃើញថា អ្នកបើកបរគ្រាន់តែរងរបួសស្រាល ហើយជនរងគ្រោះមិនចង់មានរឿងវែងឆ្ងាយក៏សុខជិះម៉ូតូបន្ត ដំណើរទៅផ្ទះនិងយកម៉ូតូជួសជុលដោយខ្លួនឯង ដោយមិនរំខានសមត្ថកិច្ច៕
