ខេត្តរតនគិរី៖ គ្រោះធម្មជាតិរន្ទះបាញ់បានបណ្តាលឲ្យមនុស្ស២នាក់រងរបួសធ្ងន់នៅស្រុកអូរយ៉ាដាវនិងស្រុកលំផាត់។
ករណីគ្រោះធម្មជាតិរន្ទះបាញ់នេះនៅវេលម៉ោង៤និង០០នាទីល្ងាចថ្ងៃទី១៧ ខែវិច្ឆិកា ឆ្នាំ២០១៦ នៅចំណុចចំការបណ្តាលឲ្យ ជនរងគ្រោះឈ្មោះ រម៉ាម សែន ភេទ ប្រុស អាយុ១៧ ឆ្នាំ រស់នៅភូមិ គងធំ ឃុំ ប៉ាតេ ស្រុកអូរយ៉ាដាវ ខេត្តរតនគិរី រងរបួសធ្ងន់ឥឡូវជនរងគ្រោះកំពុងសំរាកព្យាបាលនៅឯមន្ទីរពេទ្យបង្អែកស្រុកបរកែវ។
ករណីរន្ទះបាញ់មួយទៀតនៅវេលាម៉ោង៤និង៣០នាទីល្ងាចថ្ងៃទី១៧ ខែវិច្ឆិកាឆ្នាំ២០១៦ នៅចំណុច ផ្ទះ លោក តា ណូន ភូមិ កាឡែង ឃុំ កាឡែង ស្រុក លំផាត់ ខេត្ត រតនគិរី ជនរងគ្រោះឈ្មោះ ណូន ហន ភេទប្រុស អាយុ ២៨ ឆ្នាំ ជនជាតិទំពួន រស់នៅភូមិ-ឃុំ កើតហេតុខាងលើ។
បច្ចុប្បន្នជនរងគ្រោះកំពុងបញ្ជូនទៅសង្រ្គោះបន្ទាន់នៅមន្ទីរពេទ្យបង្អែកខេត្តរតនគិរី៕ 
ដោយ: យក្ខឡោម
