បន្ទាយមានជ័យ៖ នារសៀលថ្ងៃទី០២ខែមិថុនាឆ្នាំ២០១៤លោកស្រី ឃឹង សុវតនីត្រូវបានរាជរដ្ឋាភិបាលផ្ទេរភារកិច្ចជាប្រធានស្នាក់ការត្រួតពិនិត្យច្រកទ្វារតំបន់មេឡាជំនួសលោក ចាន់ សារ៉ា បន្ទាប់លោកត្រូវបានបញ្ចប់ភារកិច្ចជាប្រធានស្នាកើការវិលទៅកាន់តំណែងដើមនៅ
សាលាខេត្តបន្ទាយមានជ័យ។ ការប្រកាសនិងផ្ទេរភារកិច្ចរបស់លោកស្រី ឃឹង សុវតនី ប្រធានស្នាក់ការច្រកទ្វារតំបន់មេឡៃមានការចូលរួមជាអធិបតីភាពដ៏ខ្ពង់ខ្ពស់របស់ លោក គោស៊ុម សារឿត អភិបាលគណៈអភិបាលខេត្តបន្ទាយមានជ័យ មួយអន្លើដោយមន្ត្រីពាក់ពន្ធ័ជាច្រើនរូបទៀតក្នុងចំណុះឲ្យខេត្តបន្ទាយមានជ័យ ។ មុននិងប្រកាសផ្ទេរភារកិច្ចលោកចាន់ សារ៉ា អតិតប្រធានត្រួតពិនិត្យច្រកទ្វារតំបន់មេឡៃបានអានរបាយការណ៏ជូនគណៈអធិបតិអំពីកំណើនសេដ្ឋកិច្ចដែលនាំចូលនិងចេញតាមច្រកទ្វារតំបន់មេឡៃរយពេល០២ឆ្នាំគឺចាប់តាំងពីឆ្នាំ២០១១ ២០១២ និង២០១៣ នេះកំណើតផលិតផលកសិកម្មរបស់កម្ពុជាបាននាំចូលបានច្រើនគួរជាទីមោទនភាព។ជាមួយគ្នានេះ លោក ចាន់សារ៉ា បានថ្លែងថា៖ច្រកតំបន់នេះមានកំណើនសេដ្ឋកិច្ចខ្ពស់ជាងច្រកតំបន់បឹងត្រកួនឯស្រុកថ្មពកខេត្តបន្ទាយមានជ័យ ។
បន្ទាប់ពីលោកចាន់ សារ៉ា បានអានរបាយការណ៏ចប់ លោកស្រី ឃឹង សុវតនី បានទទួលតំណែងនិងឡើងផ្តេជ្ញាចិត្តចំពោះអង្គពិធីថា៖លោកស្រីនឹងខិតខំដឹកនាំដោយយកចិត្តទុកដាក់ក្នុងនាមខ្លួនជាប្រធានស្នាក់ការច្រកទ្វារតំបន់ ហើយនៅពេលខាងមុខនេះលោកស្រីបន្តសហការជានិច្ចជាមួយប្រទេសជិតខាងជាពិសេសប្រទេសថៃ ធើ្វយ៉ាងណាបង្កើនផ្នែកទំនាក់ទំនងជាមួយគ្នាឲ្យបានល្អប្រសើរដើម្បីជាប្រយោជន៏សម្រាប់ប្រជាពលរដ្ឋទាំងសង្ខាង ។
នៅក្នុងឳកាសផ្ទេរភារកិច្ចនេះដែរ លោក គោស៊ុម សារឿត អភិបាលខេត្តបន្ទាយមានជ័យបានក្រើនរំលឹកនិងផ្តាំផ្ញើចំពោះប្រធានស្នាក់ការថ្មីឲ្យចេះធើ្វការងារ ពោលគឺកុំប្រកាន់បក្សពួកនិយមជាដាច់ខាត ជាងនេះទៅទៀតមិនត្រូវចូលជ្រេតជ្រេកក្នុងកិច្ចការមន្ត្រីជំនាញណាមួយនោះឡើយ។
លោក សារឿតបានថ្លែងទៀតថា៖ក្នុងនាមយើងជាប្រធានស្នាក់ការច្រកទ្វារតំបន់គឺធើ្វជាអាជ្ញាកណ្តាលនិច្ចក្នុងនោះត្រូវចេះដោះស្រាយរាល់បញ្ហាជូនប្រជាពលរដ្ឋដែលលោកពឹងពាក់យើង ។ លោកអភិបាលខេត្តបន្ទាយមានជ័យបានលើកឡើងថា៖ជាការពិតណាស់បើយើងស្តាប់តាមរបាយការណ៏ដែលលោកចាន់សារ៉ា បានអានអំប៉ាញ់មិញនោះគឺសេដ្ឋកិច្ចនៅតំបន់មេឡៃនេះយើងទទួលបានកំណើនខ្ពស់ជានិច្ចពីមួយឆ្នាំទៅមួយឆ្នាំទាំងចំណូលពន្ធគយនិងកាំកុងត្រូល ដូច្នេះក្នុងនាមប្រធានស្នាក់ការថ្មីគប្បីធើ្វយ៉ាងណាខិតខំបន្តឲ្យកំណើនសេដ្ឋកិច្ចប្រចាំនៅច្រកតំបន់មេឡៃនេះ មានកំណើនកាន់តែខ្ពស់ជាងមុនក្នុងនោះរាប់បញ្ចូលទាំងមន្ត្រីជំនាញផងដែរត្រូវចេះកាត់បន្ថយភាពស្មុកស្មាញឲ្យបានច្រើនដើម្បីអូសទាញកំណើននាំចេញនិងចូលឲ្យបានខ្ពស់នោះទើបជាការប្រសើរ។