រាជធានីភ្នំពេញ៖ ហេតុការគ្រោះថ្នាក់ចរាចរណ៍មួយបានកើតឡើងកាលពីវេលាម៉ោង11 និង30 នាទីថ្ងៃទី4 ខែមិថុនា ឆ្នាំ2014 នៅតាមបណ្ដោយផ្លូវមុនីរ៉េត ស្ថិតក្នុងសង្កាត់ទំនប់ទឹក ខណ្ឌចំការមន ។ ហេតុការណ៍ខាងលើនេះបង្កឡើងដោយរថយន្តដឹកសិស្សសាលាអន្តរទ្វីបអាមេរិកាំង សាខាទួលគោក ពណ៍សលាយក្រហម ពាក់ស្លាកលេខភ្នំពេញ2H-7314 ធ្វើដំណើរក្នុងទិសដៅពី លិចទៅកើត ក្នុងល្បឿនលឿន បណ្ដាលអោយគៀប៉ះរថយន្តរបស់ក្រុមហ៊ុនសាប៊ូប្រូធិច ពណ៍ខៀវលាយស ពាក់
ស្លាកលេខភ្នំពេញ 2Y-3786ធ្វើដំណើរស្របទិសគ្នា។ បើតាមប្រភពព័តមានពីកន្លែងកើតហេតុបានអោយដឹងថា៖ នៅមុនពេលកើតហេតុគេឃើញរថយន្តរបស់ក្រុមហ៊ុនសាប៊ូប្រូធិចបានធ្វើដំណើរស្របទិសគ្នាដើម្បីយកអីវ៉ាន់ទៅអោយម៉ូយនៅឯទួកគោក មកដល់ចំណុចកើតហេតុស្រាប់តែរថយន្តរបស់សាលាអន្តរទ្វីប អាមេរិកាំងបានបួងចង្កូតមកខាងឆ្វេងដៃហើយបានគៀប៉ះ
រថយន្តរបស់ក្រុមហ៊ុនសាប៊ូប្រូធិចបណ្ដាលអោយបែកស្តុបផ្នែកខាងមុខ។ គួរបញ្ជាក់ផងដែលថា៖ ភាគីខាង រថយន្តរបស់ក្រុមហ៊ុនសាប៊ូប្រូធិចត្រូវបានខាងរថយន្តរបស់សាលាអន្តរទ្វីប អាមេរិកាំងចេញថ្លៃជួសជុលនិងបញ្ចប់នៅនិងកន្លែងដោយមិនរំខានដល់សមត្តកិច្ចឡើិយ៕
