ស្ទឹងត្រែង:នគរបាលសេដ្ឋកិច្ចខេត្តស្ទឹងត្រែងបានធ្វើការដេញប្រម៉ាញ់ដេញចាប់រថយន្តសាំយ៉ុងដឹកឈើប្រណិតមួយគ្រឿងយ៉ាងប្រផាប់ប្រភីងទាំងព្រលឹម ក្រោយពីស្ទាក់ចាប់បានភ្លាម
តៃកុងនិងព្រូរក៍បានបើកទ្វារដាក់មេប្រូចរត់ចោលឡានដោយគ្មានងាកក្រោយ។ករណីខាងលើនេះបានធ្វើឡើងកាលពីវេលាម៉ោង០៦:០០នាទីព្រឹកថ្ងៃទី១៨ ខែធ្នូរ ឆ្នាំ២០១៦ ត្រង់ចំណុចផ្លូវចេញគីឡូ១២ស្ថិតក្នុងភូមិរាជានុកូល សង្កាត់ស្ទឹងត្រែង ក្រុងស្ទឹងត្រែងខេត្តស្ទឹងត្រែង។
រថយន្តដែលសមត្ថកិច្ចឃាត់បានគឺជារថយន្តម៉ាកសាំយ៉ុង ពណ៌សពាក់ស្លាកលេខ ភ្នំពេញ2Z-9438.ហើយឈើដែលនៅលើរថយន្តនោះជាឈើប្រណិតប្រភេទធ្នង់ កន្លះរថយន្ត។
យោងតាមឯកសារទិញ.លក់រថយន្តខាងលើបានបញ្ជាក់ថា:រថយន្តនេះគឺជារថយន្តរបស់ឈ្មោះ អែម វណ្ណី មានទីលំនៅភូមិអណ្តូងក្តីឃុំជីក ស្រុកត្បូងឃ្មុំ ខេត្តត្បូងឃ្មុំ។
ក្រោយការចាប់រថយន្តនោះភ្លាមសមត្ថកិច្ចក៍បានអូសយកទៅរក្សារទុក្ខក្នុងស្នងការដ្ឋាននគរបាលខេត្តដើម្បីចាត់ការទៅតាមនិតិវិធី៕
