ខេត្តកណ្តាល: បុរសម្នាក់បើកបរក្នុងស្ថានភាពស្រវឹង បានជ្រុលចង្កូតទៅបុកបង្គោលភ្លើង បណ្តាលអោយបែកក្បាលហូរឈាមស្រោចពេញផ្លូវ។
ហេតុការណ៍នេះបានកើតឡើងកាលពីវេលាម៉ោង២១និង០០នាទី ថ្ងៃទី១៧ ខែធ្នូ ឆ្នាំ២០១៦ លើកំណាត់ផ្លូវលេខ២១អា ស្ថិតនៅក្នុងភូមិ
ភូមិលេខ០១ ឃុំស្វាយរលំ ស្រុកស្អាង ខេត្តកណ្តាល ។
សមត្ថកិច្ចបានប្រាប់អោយដឹងថា ជនរងគ្រោះមានឈ្មោះ មាស ឆៃយ៉ា ភេទប្រុស អាយុជាង៣០ឆ្នាំ មានទីលំនៅភូមិសិត្បូរ ឃុំសិត្បូរ ស្រុលស្អាង ខេត្តកណ្តាល ។
បើតាមសាក្សីនៅក្បែរកន្លែងកើតហេតុបានរៀបរាប់ថា មុនពេលកើតហេតុនៅវេលាម៉ោងខាងលើ គេបានឃើញមានម៉ូតូមួយគ្រឿងម៉ាក សង់១២៥ ពាក់ស្លាកលេខ ពោធិសត់ 1B.3132 ទិសដៅ ពីលិចទៅកើត ក្នុងស្ថានភាពស្រវឹង ស្រាប់តែមកដល់កន្លែងកើតហេតុខាងលើ ក៍ជ្រុលចង្កូតទៅបុកបង្គោលភ្លើង បណ្តាលអោយដួលបោកក្បាលទៅលើផ្លូវបែកហូរឈាមស្រោចពេញផ្លូវ រងរបួសធ្ងន់ នៅនិងកន្លែងកើតហេតុ។ ភ្លាមៗនោះត្រូវបានប្រជាពលរដ្ឋដឹកជនរងគ្រោះយកទៅសង្គ្រោះនៅមន្ទីរពេទ្យជយ័ជំនះ។ ចំណែកឯម៉ូតូសមត្ថកិច្ចប្រគល់ទៅអោយប្រពន្អរបស់ជនរងគ្រោះ៕ ឆ ដា
