កំពត៖ រសៀលថ្ងៃទី២៦ ធ្នូ ២០១៦ នគរបាលខេត្តកំពត បង្ក្រាបបានមុខសញ្ញាចែកចាយគ្រឿងញៀនមួយ នៅភូមិត្រពាំងកំភ្លាញ ឃុំអង្គភ្នំតូច ស្រុកអង្គរជ័យ ឃាត់ខ្លួនបានជនសង្ស័យចំនួន ០៣នាក់ ។
បើតាមប្រភពសមត្ថកិច្ចបញ្ជាក់ថា ជនសង្ស័យទី ១.ឈ្មោះ កៅ សុភ័ណ្ឌ ភេទប្រុស អាយុ ២១ឆ្នាំ នៅភូមិប្ញស្សី ឃុំតានី ២.ឈ្មោះ ខន សុភ័ក្រ ភេទប្រុស អាយុ ១៨ឆ្នាំ នៅភូមិតាកុក ឃុំតានីនិងទី៣.ឈ្មោះ អ៊ុយ ដេត ភេទប្រុស អាយុ ២២ឆ្នាំ នៅភូមិប្ញស្សី ឃុំតានី ។រីឯវត្ថុតាងដែលដកហូតបានរួមមានថ្នាំញៀនចំនួន ០៥កញ្ចប់ (ធំ ០១កញ្ចប់ និងតូច ០៤កញ្ចប់) ។បច្ចុប្បន្នជនសង្ស័យទាំងបីនាក់កំពុងកសាងសំណុំរឿងដើម្បីអនុវត្តតាមនីតិវិធីច្បាប់ ។
