ព្រះវិហារ៖ គ្រោះថ្នាក់ចរាចរណ៍មួយគួរអោយភ្ញាក់ផ្អើល ធ្វើឲម្ចាស់រថយន្ដបាលែនរងរបួសធ្ងន់ ក្នុងហេតុការណ៍គ្រោះថ្នាក់ចរាចរណ៍ កាលពីវេលាម៉ោង១៩និង១៥នាទីយប់ នៅ
ថ្ងៃទី ៣១ ខែធ្នូរ ឆ្នាំ២០១៦ តាមបណ្ដាលផ្លូវ ជាតិលេខ៦២ ស្ថិតនៅត្រង់ចំនុចគីឡូម៉ែតលេខ៥៨.៥៩ នៅភូមិអូពោរ ឃុំរមណី ស្រុករវៀង ខេត្តព្រះវិហារ។
សមត្ថកិច្ចនៅកន្លែកើតហេតុ បានអោយដឹងថា មុនពេលកើតហេតុ បានឃើញត្រាក់ទ័រពណ៍ក្រហម ប្រភេទភ្ជួរដី អ្នកបើកបរដោយមិនស្គាល់អត្តសញ្ញាណម្នាក់ បានបើកបរពីជើងទៅត្បូង ដោយគ្មានភាពប្រុងប្រយ័ត្ន លុះដល់កន្លែងកើតហតុខាងលើ បានវ៉ារថយន្ដយីឌុប ពណ៍សលាយត្រួយចេក ពាក់ស្លាកលេខ ព្រៃវែង3A.0498 បើកបរដោយឈ្មោះ ផឹម ផាច អាយុ៤៥ ស្នាក់នៅភូមិបន្ទាជ័យ ឃុំស្ពឺស្រុកចំការលើ ខេត្តកំពង់ចាម ដែលកំពុងចតលើចញ្ចើមផ្លូវ បណ្ដាលឲត្រាក់ទ័រជ្រុលទៅបុករថយន្តកាមេរីបាលែន ដែលធ្វើដំណើរពីត្បូងទៅជើង បញ្រ្ចស់ទិសគ្នាបានបុកយ៉ាងញេញទំហ្នឹងតែម្ដង បណ្ដាលឲរថយន្ដបាលែនរងការខូចខាត ផ្នែកខាងមុខទាំងស្រុងនិងម្ចាស់រថយន្ត បាក់ជើងខាងស្ដាំពីកំណាត់និងរងរបួសធ្ងន់ បានបញ្ចូនទៅសង្រ្គោះនៅមន្ទីពេទ្យបង្អែកខេត្តកំពង់ធំភ្លាមៗផងដែរ។ជនរងគ្រោះឈ្មោះ គីម គឹមយ៉េន ភេទប្រុស អាយុ ២៦ រស់នៅភូមិក្រពើតម ឃុំពាមប្រធ្នោះ ស្រុកកោះសុទិន ខេត្តកំពង់ចាម។ រីឯម្ចាស់ត្រាក់ទ័របង្កបានរត់គេចខ្លួនបាត់ស្រមោលតែម្ដង។
បច្ចុប្បន្ន ត្រាក់ទ័រនិងរថយន្ដខាងលើ យកមករក្សារនៅប៉ុស្ដិ៍រមណី រងចាំការដោះស្រាយ៕
មាន វណ្ណតារា
