ភ្នំពេញបុរសម្នាក់រួមដំណើរជាមួយមិត្តភក្រ័ម្នាក់ទៀតស្រវឹងស្រាជោគជាំបើករថយន្តនៅក្នុងល្បឿនលឿនមិនប្រយ័ត្នជ្រុលទៅក្បាលនាគពុះចែកទ្រូងផ្លូវពេញទំហឹងរងការខូចផ្នែកខាងមុខយ៉ាងដំណំបែកកាទែហៀប្រេងម៉ាសុីនទៅមុខលែងរួច
ហេតុការនេះបានកើតឡើងនៅវេលាម៉ោង ១០និង៣០នាទីយប់ថ្ងៃទី៨ខែមករាឆ្នាំ២០១៧នៅតាមបណ្ដោយផ្លូវព្រះនរោត្ដមត្រង់ចំណុចជិតក្រសួងមហាផ្ទៃស្ថិតក្នុងសង្កាត់ទន្លេបាសាក់ខណ្ឌចំការមនរាជធានីភ្នំពេញ ។
យោងតាមសម្ដីបុរសម្នាក់ដែលជាអ្នករួមដំណើរជាមួយបានអោយដឹងថានៅមុនពេលកើតហេតុរូបគាត់និងមិត្តភក្រ័បានចេញមកពីចូលរួមពិធីមង្គលការគេនៅកោះពេជ្រដោយផឹកស្រាបៀរស្រវឹងទាំងពីរនាក់ហើយបើករថយន្តម៉ាកកូរ៉ូឡាពណ៌សំបកឪឡឹកពាក់ស្លាកលេខកណ្ដាល2A.1969 ដោយបើកតាមបណ្ដោយផ្លូវព្រះនរោត្ដមទិដៅពីជើងទៅត្បូងខណះមកដល់ចំណុចកើតហេតុខាងលើបានរ៉េចង្កូតទៅបុកក្បាលនាគពុះចែកទ្រូងផ្លូវពេញទំហឹងតែមិនបណ្ដាលអោយក្បាលនាគរងការខូចខាតនោះទេចំណែរថយន្តខូចខាតផ្នែកខាងមុខយ៉ាងដំណំតែមិនបណ្ដាលអោយនណាម្នាក់រងរបួសនោះទេ។ រីឯបើកបរភ្លាមៗបានបើកទ្វាចុះជិះម៉ូតូឌុបគេចបាត់ដោយបន្សល់ទុកមិត្តភក្រ័នៅកន្លែងកើតហេតុម្នាក់ឯង ។
ក្រោយកើតហេតុសមត្ថកិច្ចជំនាញបានចុះមកធ្វើការវាស់វែងនិងស្ទួចយករថយន្តបង្កទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញរងចាំម្ចាស់ចូលខ្លួនដោះស្រាយនៅពេលក្រោយ តាមនិតិវិធីច្បាប់ ៕
