ភ្នំពេញបុរសជនជាតិចិន២នាក់បើករថយន្តកាមរីឆ្លាមបត់ឆ្លងផ្លូវមិនបានប្រុងប្រយត្ន័ត្រូវម៉ូតូសង់សេ១២៥បុកបណ្ដាលអោយក្មេងៗប្រុសស្រី៣នាក់រងរបួសធ្ងន់ម្នាក់និងស្រាល២នាក់យោងតាមប្រភពព័ត៌មាននៅកន្លែងកើតហេតុបានអោយដឹងថាមុនពេលកើតហេតុគេឃើញរថយន្តកាមរីឆ្លាមពណ៌ខ្មៅពាក់ស្លាកលេខក្រុងប៉ៃលិន2A.0243 បើកបរដោយបុរសជនជាតិចិនរួមដំណើរមានគ្នា២នាក់ទិសដៅពីលិចទៅកើតខណះមកដល់ចំណុចកើតហេតុខាងលើរថយន្តបានបត់ឆ្លងផ្លូវបំណងត្រឡប់ក្រោIយស្រប់ពេលដែលម៉ូតូម៉ាកហុងដាសេ១២៥ពណ៌ខ្មៅពាក់ស្លាកលេខភ្នំពេញ1CS.3240 ជិះគ្នា៣នាក់បើកនៅក្នុងល្បឿនលឿនទិសដៅពីកើតទៅលិចខណះមកដល់ចំណុចកើតហេតុជាន់ហ្វ្រាំងមិនទាន់ក៏ជ្រុលទៅបុកចំក្បាលរថយន្តចំហៀងស្ដាំពេញទំហឹងបណ្ដាលឲ្យដួលបោកបែកចញ្ចើមរបួសធ្ងន់ម្នាក់និង២នាក់ទៀតរបួសស្រាលរលាត់ដៃជើង ។ភ្លាមៗត្រូវបានអ្នកដំណើរដឹកតាមម៉ូតូយកទៅព្យាបាលនៅមន្ទីរពេទ្យរុស្សី ។រថយន្តបែកស្ទុបមុខខាងស្ដាំចំណែកម៉ូតូវីកខ្នងមុខខូចខាតយ៉ាងដំណំ។
ក្រោយកើតហេតុសមត្ថកិច្ចមូលដ្ឋានបានចុះមកជួយអន្តរាគម៌តែដោយខាងភាគីរថយន្តមានអ្នកតំណាងដោះស្រាយចរចារជាមួយភាគីរងគ្រោះដោយមិនរំខានដល់សមត្ថកិច្ចដោយសុខចិត្តចេញថ្លៃព្យាបាលនិងជួសជុលម៉ូតូអោយដើម្បីបញ្ចប់រឿង ៕
