កំពង់ធំ;រថយន្តនីសាន់ដឹកឈើប្រណិត១គ្រឿងព្រមទាំងអ្នកបើកបរត្រូវបានកម្លាំងកងរាជអាវុធហត្ថស្រុកបារាយ ចាប់បញ្ជូនយកទៅកាន់ផ្នែករដ្ឋបាលព្រៃឈើកំពង់ថ្មបន្ទាប់ពី រថយន្ត១គ្រឿងនេះបានលួចដឹកឈើប្រណិតខុសច្បាប់នៅតាមបណ្តោយផ្លូវជាតិលេខ៦កាល ពី រសៀលថ្ងៃទី១០ខែមករាឆ្នាំ២០១៧នៅចំនុចភូមិដំរីស្លាប់ ឃុំអណ្តូងពោធិ ស្រុកបារាយណ៏ ខេត្តកំពង់ធំ!
បើយោងតាមព័ត៍មានពីសមត្ថកិច្ចអាវុធហត្ថស្រុកបារាយណ៏បានបង្ហើបឲ្យដឹងថា!នៅពេលដែលសមត្ថកិច្ចកំពុងតែចុះល្បាតតាមដងផ្លូវក៏បានប្រទះឃើញរថយន្តម៉ាកនីសាន់ចាស់១គ្រឿងនេះបានធ្វើសកម្មភាពដឹកឈើទាំងកណ្តាលថ្ងៃ ដោយមិនខ្លាចញញឹតបន្តិចសោះ ខណៈពេលនោះសមត្ថកិច្ចបានរាយការណ៏ជូនថ្នាក់លើ ហើយក៏បានឃាត់និងនាំយករថយន្តដឹកឈើនិងអ្នកបើកបរម្នាក់បញ្ជូនទៅកាន់ផ្នែករដ្ឋបាលព្រៃឈើកំពង់ថ្មដើម្បីធ្វើការវាស់វែងនិងចាត់ការបន្ត។
បើតាមចម្លើយពីអ្នកបើកបររថយន្តឈ្មោះសៀមហ៊ុច នៅឃុំសួង ស្រុកត្បូងឃ្មុំ ខេត្តកំពង់ធំបានប្រាប់សមត្ថកិច្ចថាខ្លួនគេបានស៊ីឈ្នួលដឹកឲ្យគេចេញពីចំនុចព្រំប្រទល់ខេត្តសៀមរាបនិងខេត្តកំពង់ធំ ក្នុងគោលដៅឆ្ពោះទៅភ្នំពេញ ក្នុង១ជើងបានឈ្នួលតម្លៃ ជាង១០០ដុល្លា។
លោក ហេងកាមិច នាយសង្កាត់រដ្ឋបាលព្រៃឈើបារាយណ៏បានឲ្យដឹងថា!ឈើប្រណិតនៅក្នុងរថយន្តនីសាន់មានចំនួន១៧ដុំ ស្មើនិង១;៣៥មែត្រគូប ជាឈើតាប់ជ្រុង ប្រភេទឈើធ្នង់ចំពោះវត្ថុតាងមានរថយន្ត១គ្រឿងនិងឈើប្រណិត សមត្ថកិច្ចបានធ្វើការរឹបអូសជាសម្បត្តិរដ្ឋចំនែកតៃកុងរថយន្តសមត្ថកិច្ចជំនាញបានកសាងសំណុំរឿងបញ្ជូនទៅតុលាការដេីម្បីចាត់ការបន្ត។
