សៀមរាប : នៅថ្ងៃទី០៤ខែមិថុនាឆ្នាំ២០១៤វេលាម៉ោង១.១៥នាទីរសៀលកន្លងទៅរថយន្តម៉ាកមីស៊ុយ មីស៊ីព័ត៌ស្លែពាក់ផ្លាកលេខ.យ.១០៧ភ.ព.២បើបរដោយម្ចាស់ឈ្មោះវិន សុផលភេទប្រុសអាយុ៣៥ឆ្នាំចេញដំណើរពីភូមិខ្វាវ ឃុំខ្វាវស្រុកជីក្រែងខេត្តសៀមរាបឆ្ពោះដំណើរទៅខេត្តសៀមរាប.
ដល់ត្រង់ចំណុចផ្លូវកែងភូមិអណ្តូងចាម ឃុំបឹងម៉ាលា ស្រុកស្វាយលើស្រាប់តែមានរថយន្តម៉ាកនីសាន់ព័ត៌សរពាក់ផ្លាកលេខភ្នំពេញ ២B ៤៥៦៩បើកបរដោយម្ចាស់ឈ្មោះ សន បោះពួយយ៉ាងលឿនមកពីទិសខាងលិចបានមកបុកជាមួយរថយន្តម៉ាកមីស៊ុយ មីស៊ីយ៉ាងពេញទំហឹងបណ្តាលឲ្យរបួសអ្នកជិះលើរថយន្តចំនួន៥នាក់ របួសធ្ងន់២នាក់ និង ស្រាល៣នាក់ ។ចំណែកឯរថយន្តទាំងពីរគ្រឿងត្រូវបានខូចខាតទាំងស្រុង ។
ជនរងគ្រោះទាំង៥នាក់ត្រូវបានសមត្ថកិច្ចយកទៅសង្គ្រោះបន្ទាន់នៅមន្ទីរពេទ្យស្រុកស្វាយលើ ខេត្តសៀមរាប។ចំណែកឯរថយន្តទាំងពីរគ្រឿងនេះត្រូវបានប៉ូលិសយកទៅរក្សាទុកនៅអធិការដ្ឋាននគរបាលស្រុកស្វាយលើ រង់ចាំការដោះស្រាយ តាមក្រោយ។ ដោយ លោក ព្រំ សុខា 
