កំពត-ស្រុកដងទង់ ៖ នៅថ្ងៃទី ១៩ ខែមករា ឆ្នាំ២០១៧ វេលាម៉ោង ២៣:០០នាទី កម្លាំងអធិការដ្ឋាននគរបាលស្រុកដងទង់ បានចុះបង្ក្រាបករណីប្រើប្រាស់គ្រឿងញៀន នៅភូមិត្រពាំងរាំង ឃុំអង្គរមាស ស្រុកដងទង់ ។ ឃាត់ខ្លួនជនសង្ស័យបានចំនួន ០៤នាក់ រួមមាន : ១.ឈ្មោះ ទូច សាថេប ភេទប្រុស អាយុ ១៦ឆ្នាំ ២.ឈ្មោះ ភុំ សុភាព ភេទប្រុស អាយុ ១៩ឆ្នាំ ៣.ឈ្មោះ ទូច ស្រីម៉ាប់ ភេទប្រុស អាយុ ២៧ឆ្នាំ (អ្នកទាំងបីរស់នៅភូមិត្រពាំងរាំង ឃុំអង្គរមាស) ៤.ឈ្មោះ ដោម នាង ភេទប្រុស អាយុ ១៦ឆ្នាំ នៅភូមិត្រពាំងសេះ ឃុំល្អាង និងដកហូតបានសម្ភារឧបករណ៍សម្រាប់ជក់មួយចំនួន ។ បច្ចុប្បន្នជនសង្ស័យកំពុងកសាងសំណុំរឿងដើម្បីអនុវត្តតាមនីតិវិធីច្បាប់ ៕
