ខេត្តរតនគិរី៖ គោយន្តកែច្នៃដឹកដំឡូងមី១គ្រឿងជ្រុលចង្កូតទៅបុកម៉ូតូកំពុងជិះបញ្ច្រាស់ទិសគ្នាបណ្តាលឲ្យជនរងគ្រោះ របួសធ្ងន់ស្រាល៣នាក់ហើយក្រឡាប់ជះដំឡូងមី
ពេញលើដីហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៨នឹង៣០នាទីព្រឹកថ្ងៃទី២៧ខែមករាឆ្នាំ២០១៧ នៅត្រង់ចំណុចចំការមួយកន្លែង ស្ថិតនៅភូមិសមុទ្រលើឃុំសេដាស្រុកលំផាត់ខេត្តរតនគិរី។
នគរបាលស្រុកលំផាត់បានឲ្យដឹងថា គោយន្តបង្ក បើកបរក្នុងទិសដៅពីជើងទៅត្បូងត្រង់ចំណុចចុះចំណោតក៍ជ្រុលចង្កូតបុកម៉ូតូដែលឌុបគ្នា៣នាក់ប្រពន្ធនឹងកូនតូចរងរបួសធ្ងន់ស្រាល។
ប្រភពបានបន្តថា ជនរងគ្រោះជិះម៉ូតូកែច្នៃ១គ្រឿង អត់ស្លាកលេខ មានឈ្មោះ ខ្វាន់ កុរ ភេទប្រុសអាយុ៣០ឆ្នាំជនជាតិទំពួន ជាប្តីរងរបួសធ្ងន់ ចំណែកប្រពន្ធឈ្មោះ កិះ ចន្តា អាយុ២៨ឆ្នាំជនជាតិទំពួន រងរបួសស្រាល នឹងកូនតូចម្នាក់ពុំស្គាល់ឈ្មោះរងរបួសស្រាល់ អ្នកទាំង៣មានទីលំនៅភូមិសមុទ្រលើឃុំសេដាស្រុកលំផាត់។ក្រោយពីកើតហេតុជនបង្ករត់គេចខ្លួនបាត់បន្សល់ទុកវត្ថុតាងនៅនឹងកន្លែងកើតហេតុ ចំណែកជនរងគ្រោះត្រូវបានសមត្ថកិច្ចហៅរថយន្តសង្គ្រោះដឹកបញ្ជូនទៅមន្ទីពេទ្យបង្អែកខេត្ត។
បច្ចុប្បន្នវត្ថុតាងទាំង២គ្រឿងបានយកមករក្សាទុកនៅប៉ុស្ថ៍ឃុំសេដារងចាំដោះស្រាយគ្នាជាក្រោយ ៕ដោយ យក្ខឡោម
