កំពង់ឆ្នាំង៖ មន្ត្រីក្នុងស្នងការនគរបាលខេត្តកំពង់ឆ្នាំងជាច្រើនាក់ បានសំណូមពរអោយកាសែតយើង ជួយខ្សឹបដាក់មេក្រូជូនទៅថ្នាក់លើថា៖ កៅអីជាតំណែងលោកស្នងការរងនគរបាលខេត្តកំពង់ឆ្នាំង ទទួលបន្ទុកការិយាល័យកណ្តាលព្រហ្មទណ្ឌនិងអន្តោប្រវេសន៍កំពុងមានអ្នករត់ការប្រជែងគ្នាច្រើននាក់ ដែលខ្លះមានអតីតការងារល្អនិងមានសមត្ថភាពគ្រប់គ្រាន់ តែខ្លះវិញគ្មានទេមានតែលុយសូកគេតែប៉ុណ្តោះ។
ហេតុនេះសំណូមពររបស់មន្ត្រីនគរបាលក្នុងស្នងការដ្ឋានខេត្តទាំងអស់ ស្នើសុំថ្នាក់លើមេត្តាគិតពីសមត្ថភាពនិងអតីតភាពការងារពីមុនមកផង ចំពោះអ្នកដែលត្រូវតែងតាំងអោយកាន់តំណែងទាំង២នេះ។ ប្រភព័ត៌មានពីក្នុងស្នងការដ្ឋាននគរបាលខេត្តអោយដឹងថា៖ នៅក្នុងកៅអីតំណែងស្នងការរងទទួលបន្ទុកព្រហ្មទណ្ឌ ត្រូវបានលោកស្នងការខេត្តថ្មី ចុះហត្ថលេខា ដាក់សំណើរមន្ត្រី២នាក់ ជូនទៅថ្នាក់លើពិនិត្យសំរេចហើយ គឺ១លោកនាយរងការិយាល័យកណ្តាលសណ្តាប់ធ្នាប់ម្នាក់ដែលមានអតីតការងារល្អនិងមានសមត្ថភាព និងម្នាក់ទៀតគឺលោកនាយការិយាល័យនគរបាលម្នាក់មិនសូវមានជំនាញនិងមិនមានសមត្ថភាពទេដែលមន្ត្រីនគរបាលក្នុងស្នងការ ដ្ឋានភាគច្រើនមិនចូលចិត្តចរឹកវាយឬកជាអ្នកធំ មើលស្រាលមន្ត្រីតូចតាច មុខមិនដែលរីក។
ចំណែកស្នងការរងទទួលផ្នែកអន្តោប្រវេសន៍ ជាតំណែងថ្មី ត្រូវបានគេអោយដឹងថា៖ មានគេចង់អោយលោកនាយការិយាល័យម្នាក់ដែលមានបទពិសោធន៍តិច និងជាបក្ខពួកគេឡើងឋានះផ្លោះ ធ្វើជាស្នងការរងតែម្តងតែបើគ្មាលុយក៍មិនអាចឡើងរួចដែរបាទ….! បញ្ហានេះបានធ្វើអោយមន្ត្រីក្នុងស្នងការដ្ឋាន៩៥%មិនសប្បាយចិត្តនិងមិនគាំទ្រឡើយ។ ចំណែកអ្នកមានសមត្ថភាព មានអតីតភាពការងារល្អ មានបទពិសោន៍ និងសញ្ញាបត្រ័ត្រឹមត្រូវ តែគ្មានលុយទេ បែរជាគេមើលមិនឃើញគាត់ទេ និងត្រូវបានគេអោយគាត់ទៅកាន់ការងារខុសជំនាញទៅវិញជាយូរឆ្នាំមកហើយ។
មន្ត្រីនគរបាលក្នុងស្នងការដ្ឋានអោយដឹងទៀតថា៖ នៅមានមន្ត្រីតាមការិយាល័យនិង ផ្នែកមួយចំនួនទៀតដែលគេត្រៀមធ្វើការកែសំរួលផ្លាស់ប្តូរ ដែលកន្លែងខ្លះគេដកអ្នកមានសម ត្ថភាពចេញ ដាក់អ្នកគ្មានសមត្ថភាពចូលតែមានលុយចអោយមេ និងជាខ្សែស្រឡាយអ្នកធំ ដែលបញ្ហនេះកំពុងធ្វើអោយមន្ត្រីមួយចំនួនបាត់បង់តំណែង មានប្រតិកម្មយ៉ាងខ្លាំង និងមិនសប្បាយចិត្តឡើយចំពោះទង្វើរបស់លោកស្នងការនគរបាលខេត្តឡើងថ្មី។
តាមប្រសាសន៍ របស់ឯកឧត្តមអគ្គស្នងការនគរបាលជាតិ ក្នុងឱកាសផ្លាស់ប្តូរតំណែងលោកស្នងការខេត្ត បានណែនាំថា៖វប្បធម៌រត់ការយកតំណែងដូចខាងលើនេះល្មមដល់ពេលបញ្ចប់ហើយ ការតែងតាំងតំណែង និងតំឡើងសក្ត័ ត្រូវតែធ្វើតាមឋានានុក្រម និងតាមសមត្ថភាព និងអតីតនៃការងារ គេសង្ឃឹថា ឯឧត្តមអគ្គពិតជាបានជ្រាបបញ្ហាទាំងអស់ខាងលើនេះ។ជុំវិញបញ្ហានេះលោក ប្រាក់វុទ្ធីស្នងការនគរបានខេត្ត យើងមិនអាចសុំការបំភ្លឺបានទេ ព្រោះទូរសព្ទ័មិនចូល៕
