ខេត្តរតនគិរី៖ កម្លាំងនគរបាលប្រឆាំងបទល្មើសសេដ្ឋកិច្ចខេត្ត ស្ទាក់ចាប់រថយន្តដឹកឈើប្រណិត១គ្រឿងលោតឆត្រ័ការចុះបង្ក្រាបរថយន្តដឹកឈើនេះធ្វើឡើងនៅវេលា
ម៉ោង២នឹង៣០នាទីយប់ថ្ងៃទី៦ ខែកុម្ភ: ឆ្នាំ២០១៧នៅត្រង់ចំណុចយាយទូលចេកតាមបណ្តោយផ្លូវជាតិលេខ៧៨ ស្ថិតនៅក្នុងភូមិ១ សង្កាត់កាចាញ ក្រុងបានលុង ខេត្តរតនគិរី។
នគរបាលដែលចុះបង្ក្រាបរថយន្តដឹកឈើប្រណិតប្រភេទ ធ្នង់ខាងលើនេះបានឲ្យដឹងថាមានភ្នាក់ងារសំងាត់បានរាយការណ៍មកថា មានរថយន្តម៉ាកកាមរីស្វិត ១គ្រឿងពណ៍ទឹកប្រាក់ពាក់ស្លាកលេខ បាត់ដំបង២A-១៤២៨ ដឹកចេញពីភូមិតឺន ឃុំតឺន ស្រុកកូនមុំឆ្ពោះមកចូលក្រុងបានលុងត្រូវបានកម្លាំងនគរបាលប្រឆាំងបទល្មើសសេដ្ឋកិច្ចខេត្តធ្វើការពួនស្ទាក់ចាប់នឹងបង្ក្រាបបាននៅត្រង់ចំណុចខាងលើ ក្រោយពីធ្វើការបង្ក្រាបរថយន្តដឹកឈើតៃកុងរថយន្តបានចុះរត់គេចខ្លួនបាត់តែម្តង។
បច្ចុប្បន្នរថយន្តនឹងវត្ថុតាងនគរបាលសេដ្ឋកិច្ចខេត្តយកមករក្សាទុកទាំងយប់នៅស្នងការនគរបាលខេត្ត ព្រឹកថ្ងៃទី៦ ខែកម្ភ: ឆ្នាំ២០១៧ បានកសាងសំណុំបែបបទប្រគល់ទៅឲ្យជំនាញរដ្ឋបាលព្រៃឈើលំផាត់ចាត់ការបន្តតាមនិតិវិធីច្បាប់ព្រៃឈើ ៕ដោយ: យក្ខឡោម
