ខេត្តរតនគិរី: រថយន្តហ៉ីយ៉ានដាយបុកម៉ូតូចំពីមុខបណ្តាលឲ្យបុរសម្នាក់រងរបួសធ្ងន់នៅស្រុកអូរយ៉ាដាវដោយផ្លូវមានលក្ខណះចង្អៀតតូច។
ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៥នឹង២០នាទីល្ងាចថ្ងៃទី៧ ខែកុម្ភ: ឆ្នាំ២០១៧ ត្រង់ចំណុចភូមិប៉ក់តូចលើដងផ្លូវលំមួយខ្សែ ស្ថិតក្នុងភូមិ ប៉ក់ធំ ឃុំប៉ក់ញ៉ៃ ស្រុកអូរយ៉ាដាវ ខេត្តរតនគិរី។
នគរបាលស្រុកអូរយ៉ាដាវបានឲ្យដឹងថា រថយន្តបង្កម៉ាកហ៉ីយ៉ានដាយពណ៌ សពាក់ស្លាកលេខ3A-0104 ដឹកគ្រឿងចក្រ អាអិុច ក្នុងទិសដៅបញ្ច្រាសគ្នា អ្នកបើកបររថយន្ត ឈ្មោះ ក្រុយ សាវែនភេទប្រុស អាយុ២៥ឆ្នាំជនជាតិខ្មែរមានទីលំនៅភូមិសោមកានិញឃុំសោមធំស្រុកអូរយ៉ាដាវ ចំណែកជនរងគ្រោះជិះម៉ូតូម្នាក់ឯងម៉ាកវ៉េវឆ្លាមពណ៌ក្រហមគ្មានស្លាកលេខត្រូវបានគេស្គាល់ឈ្មោះ សឿន ផាន់ណាភេទប្រុសអាយុ៣៦ ឆ្នាំជនជាតិខ្មែរ រងរបួសធ្ងន់ មានទីលំនៅភូមិអ៊ុនឃុំលំជ័រស្រុកអូរយ៉ាដាវ។
ក្រោយកើតហេតុសមត្ថកិច្ចមូលដ្ឋានបានចុះមកអន្តរាគមន៍ដឹកបញ្ជូនជនរងគ្រោះទៅមណ្ឌលសុខភាពស្រុកអូរយ៉ាដាវ។
បច្ចុប្បន្ននគរបាលប៉ុស្តិ៍ រដ្ឋបាលឃុំប៉ក់ញ៉ៃយករថយន្តនឹងម៉ូតូទាំង២គ្រឿងមករក្សាទុករងចាំធ្វើការ ដោះស្រាយគ្នាជាក្រោយ ៕ដោយ: យក្ខឡោម
